వైన్ తాగితే సన్ బరన్స్ నుండి చర్మాన్ని రక్షించుకోవచ్చట!
వైన్ తయారీలో ప్రధానంగా ఉండే ద్రాక్ష పండు లో ఫ్లేవనాయిడ్స్ అనే రసాయనం ఉంటుందని ఇది సెల్ డామేజీని అరికడుతుందని రీసెర్చర్స్ చెపుతున్నారు. ఈ విషయాన్ని అగ్రికల్చరల్ అండ్ ఫుడ్ కెమిస్ట్రీ జర్నల్లో కూడా తాజాగా ప్రచురించారు. సూర్యుడి నుండి వచ్చే అల్ట్రా వయోలెట్ కిరణాలు చర్మాన్ని తాకుతూంటే జరిగే కెమికల్ రియాక్షన్ ను శాస్త్రవేత్తలు పరిశీలించారు. గ్రేప్స్ ప్రధానంగా వున్న వైన్ లో ఈ కెమికల్ రియాక్షన్ ను అరికట్టగల ఫ్లేవనాయిడ్స్ వున్నాయని, ఇవి కెమికల్ రియాక్షన్ ను అరికట్టి చర్మం కణాలు దెబ్బతినకుండా చేస్తాయని కనుగొన్నారు.
అంతే కాదు, వైన్ చర్మాన్ని కేన్సర్ బారి పడకుండాకూడా కాపాడుతుందట. ఈ రీసెర్చి కనుక మరికొంత ముందుకు వెళితే, చర్మ సంరక్షణా క్రీములకు సైతం వైన్ ఉపయోగ పడొచ్చు. సోలార్ రేడియేషన్ ప్రభావం శరీర చర్మంపై పడకుండా చూసుకోవడంలో వైన్ ప్రాముఖ్యత వుండగలదని ఈ శాస్త్రవేత్తలు డైలీ టెలిగ్రాఫ్ కు ఇచ్చిన ఒక ఇంటర్వ్యూలో పేర్కొన్నారు.