అంతా షాక్: పెళ్లి కొడుకుతోపాటు బావిలో పడిన గుర్రం(వీడియో)
పెళ్లి వేడుకలో ఎవరూ ఊహించని ఘటన చోటు చేసుకుంది. పెళ్లి ఊరేగింపులో పెళ్లి కొడుకును తీసుకెళ్తున్న గుర్రం ఒక్కసారిగా బెదిరిపోయి ఓ బావిలో పడింది.
లక్నో: పెళ్లి వేడుకలో ఎవరూ ఊహించని ఘటన చోటు చేసుకుంది. పెళ్లి ఊరేగింపులో పెళ్లి కొడుకును తీసుకెళ్తున్న గుర్రం ఒక్కసారిగా బెదిరిపోయి ఓ బావిలో పడింది. దీంతో పెళ్లికొడుకు కూడా గుర్రంతోపాటే బావిలో పడిపోయాడు. ఇదంతా కొందరు వీడియో తీయడంతో వైరల్గా మారింది.
ఈ ఘటన ఉత్తర ప్రదేశ్ రాష్ట్రంలోని గోండా ప్రాంతంలో చోటు చేసుకుంది. స్థానికులు వెంటనే స్పందించి జేసీబీని అక్కడకు తీసుకొచ్చారు. జేసీబీ సాయంతో పెళ్లి కొడుకును, ఆ తర్వాత గుర్రాన్ని బావిలోంచి తీశారు.
#WATCH: Rescue operation of a horse that fell into a well alongwith the bridegroom during a wedding ritual in Uttar Pradesh's Gonda(July 12) pic.twitter.com/LwxkL11f27
— ANI UP (@ANINewsUP) July 13, 2017
ఈ ఘటనలో పెళ్లి కొడుకుకు చిన్న చిన్న గాయాలయ్యాయి. గుర్రం కూడా స్వల్ప గాయాలతో బయటపడింది.
పెళ్లి కొడుకు బావిలో పడిపోయాడన్న విషయం తెలిసి అతని కుటుంబంతోపాటు వధువు కుటుంబసభ్యులు ఆందోళనకు గురయ్యారు. చిన్నపాటి గాయాలతో బయటపడటంతో అంతా ఊపిరిపీల్చుకున్నారు. ఆ తర్వాత పెళ్లి వేడుక ఘనంగా జరిగింది.