బాబు ఎఫెక్ట్: కేంద్రమంత్రి ప్రశ్నపై లోకేష్ లోతుగా ఆరా
విశాఖలో తెలుగుదేశం పార్టీ నూతన కార్యాలయం ప్రారంభోత్సవం సందర్భంగా మంత్రి, టిడిపి యువనేత నారా లోకేష్ ఆసక్తికర విషయం చెప్పారు.
విశాఖ: విశాఖలో తెలుగుదేశం పార్టీ నూతన కార్యాలయం ప్రారంభోత్సవం సందర్భంగా మంత్రి, టిడిపి యువనేత నారా లోకేష్ ఆసక్తికర విషయం చెప్పారు. నువ్వు కూడా మీ నాన్న (చంద్రబాబు)లా తయారావుతావా అని తనను కేంద్రమంత్రి తోమర్ ప్రశ్నించారని వ్యాఖ్యానించారు.
తాను మంత్రిగా ప్రమాణ స్వీకారం చేసిన సమయంలో కేంద్రమంత్రికి ఫోన్ చేస్తే, ఆయన అలా ప్రశ్నించారని లోకేష్ చెప్పారు. అలా అడగడం వెనుక గల కారణాన్ని కూడా నారా లోకేష్ వెల్లడించారు. దాని వెనుక ఉన్న రహస్యాన్ని లోతుగా ఆరా తీశానని, అప్పుడు విషయం తెలిసిందన్నారు.
దొంగ పత్రిక, దొంగ టీవీ... అంటూ మండిపడ్డ లోకేష్
నిధుల కోసం తన తండ్రి చంద్రబాబు కేంద్రమంత్రులపై ఎంతో ఒత్తిడి తెచ్చే వారని తెలిసిందని, తాను కూడా అదే విధమైన స్ఫూర్తితో పని చేయాలని నిర్ణయించుకున్నానని చెప్పారు. చంద్రబాబు నిధుల కోసం కేంద్రంపై ఒత్తిడి తెస్తారనే విషయం తెలిసిందే.