స్మగ్లింగ్ చేస్తోందని పావురాన్ని అరెస్ట్ చేశారు!
స్మగ్లింగ్ చేస్తున్న వ్యక్తులను అరెస్ట్ చేయడం సాధారణ విషయమే. అయితే ఇక్కడ మాత్రం స్మగ్లింగ్కు పాల్పడుతోందంటూ ఓ పావురాన్ని పోలీసులు అరెస్ట్ చేశారు. ఈ ఘటన కువైట్లో చోటు చేసుకుంది.
కువైట్: స్మగ్లింగ్ చేస్తున్న వ్యక్తులను అరెస్ట్ చేయడం సాధారణ విషయమే. అయితే ఇక్కడ మాత్రం స్మగ్లింగ్కు పాల్పడుతోందంటూ ఓ పావురాన్ని పోలీసులు అరెస్ట్ చేశారు. ఈ ఘటన కువైట్లో చోటు చేసుకుంది.
వివరాల్లోకి వెళితే.. కువైట్కి సరిహద్దు ప్రాంతమైన ఇరాన్ నుంచి కువైట్ వైపు ఓ పావురం రావడం గమనించారుపోలీసులు. అయితే , ఆ పావురానికి ఓ చిన్న బ్యాగు లాంటిది తగిలించి ఉండడాన్ని పోలీసులు గుర్తించారు.
వెంటనే దాన్ని పట్టుకుని బ్యాగ్ విప్పి చూడగా అందులో 200 ఉత్ప్రేరక ఔషధాలు(ఎక్స్టాసీ టాబ్లెట్స్) లభించాయి. దీంతో అక్రమంగా ఉత్ప్రేరకాలను స్మగ్లింగ్ చేస్తున్నారన్న అనుమానంతో పోలీసులు.. పావురాన్ని అదుపులోకి తీసుకున్నారు.
ఈ వ్యవహారంపై పోలీసులు దర్యాప్తు చేపట్టారు. అయితే పావురాల ద్వారా ఇలా స్మగ్లింగ్ చేయించడం ఇది మొదటిసారి కాదు. గతంలోనూ పలుమార్లు ఇలా పావురాల ద్వారా స్మగ్లింగ్ చేయడం గమనార్హం.