మిక్స్‌డ్ డబుల్స్‌ క్వార్టర్ ఫైనల్స్‌కు చేరిన పేస్-సానియా

Posted by:
 
Share this on your social network:
   Facebook Twitter Google+    Comments Mail

 క్వార్టర్ ఫైనల్స్‌కు చేరుకున్న పేస్-సానియా జోడి
లండన్, ఆగస్టు 3: ఒలింపిక్స్ మిక్స్‌డ్ డబుల్స్‌లో భారత జోడీ లియాండర్ పేస్ - సానియా మిర్జా క్వార్టర్ ఫైనల్స్‌కు చేరుకున్నారు. గురువారం రాత్రి జరిగిన ఫ్రీ క్వార్టర్ ఫైనల్స్‌లో మ్యాచ్‌లో పేస్-సానియా జోడి 6-2, 6-4 స్కోరుతో జిమోన్‌జిక్-ఇవనోవిక్ (సెర్బియా)పై ఘన విజయం సాధించింది. 64 నిమిషాల పాటు జరిగిన ఈ మ్యాచ్ లో భారత జోడి పూర్తి ఆధిపత్యాన్ని ప్రదర్శించి ప్రత్యర్ది సర్వీస్‌ను మూడో గేమ్‌‌లోనే బ్రేక్ చేసింది.

తొలి సెట్‌లో ఇరు జట్లు తమ సర్వీస్‌లను నిలబెట్టుకోవడంతో స్కోరు 2-2 తో సమమైంది. అలాగే ఐదో గేమ్‌, ఏడో గేమ్‌కు మరోసారి సెర్బియా జట్టుకు చెక్‌ పెట్టిన పేస్‌ జోడీ తొలి సెట్‌ను 26 నిమిషాల్లో ముగించి 6-2 తేడాతో కైవసం చేసుకుంది. ఎనిమిది, తొమ్మిది గేమ్‌లను ఇద్దరూ నిలబెట్టుకోవడంతో స్కోరు 5-3 వద్ద నిలిచింది. అయితే పదో గేమ్‌ను నిలబెట్టుకున్న భారత్ సెట్‌తో మ్యాచ్‌ను గెలిచి క్వార్టర్ ఫైనల్లోకి ప్రవేశించింది.

ఇప్పటికే భారత టెన్నిస్ పురుషుల డబుల్స్ విభాగంలో భూపతి-బోపన్న, లియాండర్ పేస్-విష్ణువర్దన్ పోటీల నుండి వైదొలగడంతో మిక్స్‌డ్ డబుల్స్ పై అందరి దృష్టి పడింది. క్వార్టర్స్‌లో పేస్-సానియా జంట టాప్ సీడ్ మ్యాక్స్ మిర్ని-విక్టోరియా అజరెంకా (బెలారస్)తో తలపడుతుంది.

తెలుగు వన్ఇండియా

English summary
Leander Paes and Sania Mirza defeated Serbian pair of Nenad Zimonjic and Ana Ivanovic in staright sets to enter the mixed doubles quarter-final of the Olympic Games, here on Thursday.
Write a Comment