బాబు ఇన్సిపిరేషన్: రోహిత్, నారా-నందమూరి అంటూ..
తనకు ముగ్గురు ఇన్సిపిరేషన్ అని చెప్పారు. వారిలో మొదటి వారు స్వర్గీయ నందమూరి తారక రామారావు, రెండోవారు తన పెదనాన్న నారా చంద్రబాబు నాయుడు, మూడో వారు హీరో నందమూరి బాలకృష్ణ అని చెప్పారు. తాను సినిమా ఇండస్ట్రీలోకి వెళతానని, హీరోగా నటిస్తానని తన పెదనాన్న చంద్రబాబుకు చెప్పినప్పుడు ఏ పని చేసినా డిడెకేషన్తో చేయాలని సూచించారని రోహిత్ అన్నారు.
అభిమానులను ఉద్దేశిస్తూ.. నారా - నందమూరి అభిమానులు అంటూ పలకరించారు. తన బాణం, సోలో సినిమాలను ప్రేక్షకులు బాగా ఆదరించారని, ఈ ఒక్కడినే సినిమాను కూడా ఆదరిస్తారని, అంతకంటే పెద్ద హిట్ చేస్తారని తాను ఆశిస్తున్నానని చెప్పారు. బాలకృష్ణ మావయ్యని ఆదరించినట్లుగానే తనను ఆదరిస్తారని కోరుకుంటున్నానని చెప్పారు. ఆ తర్వాత మాట్లాడిన నందమూరి బాలకృష్ణ కూడా నారా - నందమూరి అభిమానులు అంటూ పలకరించారు.
కాగా ఒక్కడినే చిత్రంలో నారా రోహిత్ కథానాయకుడిగా నటిస్తున్నారు. నిత్యామీనన్ హీరోయిన్. నాగేంద్రబాబు కూడా ఈ చిత్రంలో ఓ ముఖ్యపాత్రలో నటిస్తున్నారు. శ్రీనివాస్ రాగా డైరెక్టర్. నిర్మాత సివి రెడ్డి. నారా రోహిత్ చంద్రబాబు నాయుడు సోదరుడు నారా రామ్మూర్తి నాయుడు తనయుడు.