ఏపీ మంత్రి గంటా శ్రీనివాస రావుతో స్నేహంపై చిరంజీవి

ఆంధ్రప్రదేశ్ మంత్రి, తెలుగుదేశం పార్టీ నేత గంటా శ్రీనివాస రావుతో తనది రాజకీయాలకు అతీతమైన స్నేహం అని కాంగ్రెస్ పార్టీ రాజ్యసభ సభ్యులు చిరంజీవి అన్నారు.

విజయవాడ: ఆంధ్రప్రదేశ్ మంత్రి, తెలుగుదేశం పార్టీ నేత గంటా శ్రీనివాస రావుతో తనది రాజకీయాలకు అతీతమైన స్నేహం అని కాంగ్రెస్ పార్టీ రాజ్యసభ సభ్యులు చిరంజీవి అన్నారు.

గంటా శ్రీనివాసరావు కుమారుడు రవి తెరంగేట్రం చేస్తున్నారు. జయంత్ సి పరాన్జీ దర్శకత్వంలో అశోక్ కుమార్ నిర్మించిన జయదేవ్ సినిమాలో రవి హీరోగా పరిచయం అయ్యాడు.

మంగళవారం ఈ సినిమాకు సంబంధించిన ఆడియో విడుదల కార్యక్రమం జరిగింది. ఈ కార్యక్రమానికి చిరంజీవి, మోహన్ బాబు తదితరులు హాజరయ్యారు.

ఈ సందర్భంగా చిరంజీవి మాట్లాడారు. గంటా, తనది రాజకీయాలకు అతీతమైన స్నేహమని చెప్పారు. అప్పట్లో ఆయనకున్న పరిస్థితుల కారణంగా సినిమాల్లోకి రాలేకపోయారేమో, ఇప్పుడు కొడుకు ద్వారా తన కోరికను గంటా తీర్చుకుంటున్నారన్నారు. కుమారుడు హీరో అయ్యాడన్న ఆనందం గంటాలో కనపడుతోందన్నారు.

English summary

Former Union Minister and Congress leader Chiranjeevi talks about AP Minister Ganta Srinivas Rao.