తృటిలో తప్పిన ప్రమాదం: పేలుడుతో ఉలిక్కిపడ్డ చంద్రబాబు

న్యూఢిల్లీ: ఆంధ్రప్రదేశ్ ముఖ్యమంత్రి, తెలుగుదేశం పార్టీ అధినేత చంద్రబాబునాయుడు తృటిలో ప్రమాదం తప్పింది. గురువారం ఢిల్లీలో జరుగుతున్న ఇండోసాన్‌ ఎగ్జిబిషన్‌లో పాల్గొన్నారు చంద్రబాబు.

ఈ సందర్భంగా ఆయన మీడియాతో మాట్లాడారు. ఇదే సమయంలో ఒక్కసారిగా సెంట్రలైజ్‌డ్‌ ఏసీ సిలిండర్‌ పెద్ద శబ్దంతో పేలింది. పేలుడు శబ్దంతో చంద్రబాబు ఒక్కసారిగా ఉలిక్కిపడ్డారు.

వెంటనే చంద్రబాబును కమాండోలు, అధికారులు బయటికి తీసుకొచ్చారు. సిలిండర్ గ్యాస్ లీకై ఈ ఘటన జరిగినట్లు తెలుస్తోంది. ఘటనకు సంబంధించి మరిన్ని వివరాలు తెలియాల్సి ఉంది.

కాగా, గతంలో చంద్రబాబు అలిపిరిలో జరిగిన పెను ప్రమాదం నుంచి ప్రాణాలతో బయటపడిన విషయం తెలిసిందే. ఈ ఘటనలో గాయాలపాలైన చంద్రబాబు కొద్ది నెలల్లోనే కోలుకుని ప్రజాక్షేత్రంలో అడుగుపెట్టారు.

English summary

A Cylinder blast near to Andhra Pradesh CM Chandrababu Naidu's meeting.