విశాఖలో 'అక్వా జుంబా డ్యాన్స్' కోసం యువతుల క్యూ: ఏమిటిది?
విశాఖ: విశాఖలొ కొత్త రకం డ్యాన్స్ రంగ ప్రవేశం చేసింది. డ్యాన్స్ అక్వా జుంబా పేరిట సరికొత్త రీతిలో వచ్చిన ఇది.. స్థానిక మహిళలు, యువతులను ఆకట్టుకుంటోంది. స్విమ్మింగ్ పూల్లో నడు లోతు వరకు నీటిలో దిగి ఇన్ స్ట్రక్టర్ చెప్పే నృత్య రీతులను అనుకరిస్తున్నారు.
స్థానిక మహిళలు పలువురు తమ శరీరంలోని అధిక బరువును ఇట్టే తగ్గించుకునేందుకు ఇలా చేస్తున్నారు. నీటిలో దాదాపు రెండు గంటలకు పైగా ఏకబిగిన సాగే ఈ అక్వా జుంబా డ్యాన్సులో శారీరక శ్రమ పెద్దగా లేకుండానే శరీరంలోని కొవ్వు శాతం సులువుగా కరిగిపోతుందని తెలుస్తోంది.
ఇప్పటి దాకా పలువురు మహిళలు అక్వా జూంబాదో సందడి చేస్తున్నారు. ఈ కొత్త రకం డ్యాన్స్ చేసేందుకు పలువురు మహిళలు వరుస కడుతున్నారు. కొవ్వు కరిగించుకునేందుకు మహిళలు, యువతులు ఈ కొత్త రకం డ్యాన్స్ పైన ఆసక్తి చూపిస్తున్నారట.
శనివారం సాయంత్రం ఫిట్నెస్ మక్కువదారులు పలువురు ఓ వ్యాలీలోని స్విమ్మింగ్ పూల్కు వెళ్లారు. వారు కేవలం ఈత కోసమే కాదు.. అక్వా జుంబా కోసం వెళ్లారు. ఈత రాని వారు కూడా ఇక్కడకు వచ్చేందుకు ఆసక్తి కనబరుస్తున్నారు.