లేడీస్ టైలర్ వద్దకు వెళ్ళిన బాలిక నగ్న దృశ్యాలు రికార్డ్, లైంగిక వేధింపులు
ఓ మైనర్ బాలిక నగ్నదృశ్యాలను చిత్రీకరించిన కొందరు వ్యక్తులు ఇంటర్నెట్ లో పెట్టారు. తొమ్మిదో తరగతి చదువుతున్న బాలిక దుస్తులు కుట్టించుకొనేందుకు వచ్చిన సమయంలో ఆమె నగ్నచిత్రాలను తీశారు.
అనంతపురం: ఓ మైనర్ బాలిక నగ్నదృశ్యాలను చిత్రీకరించిన కొందరు వ్యక్తులు ఇంటర్నెట్ లో పెట్టారు. తొమ్మిదో తరగతి చదువుతున్న బాలిక దుస్తులు కుట్టించుకొనేందుకు వచ్చిన సమయంలో ఆమె నగ్నచిత్రాలను తీశారు.అంతేకాదు ఆ బాలికను ఈ ఫోటోలు చూపి లైంగికంగా వేధింపులకు పాల్పడుతున్నాడు.
అనంతపురం జిల్లా కదిరి మండలం హనుమంతరాయపల్లికి చెందిన ఓ బాలిక నగ్నదృశ్యాలను చిత్రీకరించిన కొందరు వ్యక్తులు వాటిని ఇంటర్నెట్ లో పెట్టారు. దుస్తులు కుట్టించుకొనేందుకు ఆ బాలిక లేడీస్ టైలర్ వద్దకు వచ్చింది.
అయితే ఆ సమయంలో టైలర్ సమీప బంధువు గార్లపెంటకు చెందిన బ్యాంకు ఉద్యోగి నాగరాజు బాలిక నగ్నచిత్రాలను రహస్యంగా చిత్రీకరించాడు. ఆ బాలికను నాగరాజు లైంగికంగా వేధింపులకు గురిచేస్తున్నాడు.
ఆ బాలిక ఎంతకు లొంగకపోవడంతో ఆ నగ్నదృశ్యాలను తన స్నేహితుడు నగేష్ తో కలిసి నాగరాజు ఇంటర్నెట్ లో పెట్టాడు. బాలిక బంధువులు కొందరు వాటిని చూసి ఆమె తల్లిదండ్రులకు సమాచారమిచ్చారు.దీంతో బాధిత కుటుంబసభ్యులు పోలీసులకు ఫిర్యాదు చేశారు.
బాలిక నగ్నదృశ్యాలను సేకరించిన కవిత, నాగరాజు, నగేష్ ల కోసం పోలీసులు గాలిస్తున్నారు.నిందితులపై పోస్కో , ఐటీ చట్లాల కింద కేసు నమోదు చేసినట్టు చెప్పారు పోలీసులు,