పోలీసు యూనిఫాంలో డ్యాన్స్: సోషల్ మీడియాలో వైరల్
చెన్నై: విధుల్లో ఉన్న ఓ పోలీసు అధికారి యూనిఫాం ధరించి డ్యాన్స్ చేసిన వీడియో సామాజిక మాధ్యమాల్లో పోస్ట్ చేయడంతో పెద్ద ఎత్తున దుమారం చెలరేగింది. దీంతో ఉన్నతాధికారులు ఆ పోలీసుపై సస్పెన్షన్ వేటు వేశారు. ఈ సంఘటన తమిళనాడులోని సేలం జిల్లాలో చోటు చేసుకుంది.
వివరాల్లోకి వెళితే, తమిళనాడులోని సేలం జిల్లాలో అత్తూరు సబ్ జైలు డిప్యూటీ జైలర్గా 58 ఏళ్ల శంకరన్ విధులను నిర్వహిస్తున్నారు. అయితే గత నెల జనవరిలో రిపబ్లిక్ డే వేడుకల్లో పాల్గొనేందుకు ఆయన చెన్నై వెళ్లారు. రిపబ్లిక్ డే వేడుకల సందర్భంగా ఆయన యూనిఫాం ధరించి డ్యాన్స్ చేశారు.
శంకరన్ డ్యాన్స్ చేస్తున్న సందర్భంలో తోటి అధికారులు ప్రోత్సహించడంతో పాటు తమ మొబైల్ ఫోన్లతో వీడియో తీశారు. ఇప్పుడు ఈ వీడియో శంకరన్ కొంప ముంచింది. ఎవరో ఈ వీడియోను ఫేస్బుక్లో పోస్ట్ చేయడంతో పాటు వాట్సప్లో కూడా షేర్ చేశారు.
దీంతో ఈ విషయాన్ని ఉన్నతాధికారుల దృష్టికి రావడంతో శంకరన్ను అత్తూరు నుంచి కోయంబత్తూరుకు బదిలీ చేసి, విచారణకు ఆదేశించారు. సేలం సెంట్రల్ జైలు సూపరింటెండెంట్ షణ్ముగ సుందరం విచారణ చేసి నివేదిక సమర్పించారు. ఈ నివేదిక ఆధారంగా శంకరన్పై చర్యలు తీసుకున్నారు.
WATCH:Deputy Jailor of Salem prison(TN)suspended after a video of him surfaced dancing in uniform during duty hours.https://t.co/7VaT3YhNr0
— ANI (@ANI_news) February 11, 2016