'అందమైన యువతు'లని ఫ్లిప్‌కార్ట్ మెయిల్, క్షమాపణ

న్యూఢిల్లీ: భారతీయ ఈ కామర్స్ దిగ్గజం ఫ్లిప్‌కార్ట్ తన సెక్సియెస్ట్ వ్యాఖ్యలకు క్షమాపణలు చెప్పింది. మహిళా కస్టమర్లకు ఫ్లిప్‌కార్ట్ పంపించిన ఈ మెయిల్ పైన సామాజిక మాధ్యమాల్లో పెద్ద ఎత్తున విమర్శలు వచ్చాయి. దీంతో క్షమాపణ చెప్పింది.

యువతులు అందంగా ఉంటే మరిన్ని విజయావకాశాలు లభిస్తాయని ఓ రీసెర్చ్ చెబుతోందని, యువతులు అందంగా కనిపిస్తే, వారివైపు చూస్తారని, వారు చెప్పేది వింటారని, అలా కనిపించేవారిలో నమ్మకం పెరుగుతుందని, ఇతరులను సైతం మోటివేట్ చేస్తారని పేర్కొంటూ... మహిళలను అందంగా చూపే దుస్తులపై 20 శాతం అదనపు రాయితీలు ఇస్తామని మెయిల్ పెట్టింది.

ఈ వ్యాఖ్యలు సమంజసం కాదని ఓ ఫ్లిప్‌కార్ట్ కస్టమర్ వ్యాఖ్యానించారు. దీనిపై వెల్లువెత్తుతున్న నిరసనలను కట్టడి చేసేందుకు ఫ్లిప్‌కార్ట్ వ్యవస్థాపకుడు పునీత్ సోనీ స్వయంగా రంగంలోకి దిగారు. యన తన ట్విట్టర్ ద్వారా క్షమాపణలు చెప్పారు.

ఈ మెయిల్ విషయమై తన దృష్టికి రాలేదని చెప్పారు. ఎక్కడ తప్పు జరిగిందో తెలుసుకుని మరో మెయిల్ పంపుతామని ఆయన తెలిపారు. ఈ తరహా ఘటనలు మరోసారి జరుగకుండా జాగ్రత్తలు తీసుకుంటామని చెప్పారు.

English summary

Indian e-commerce major Flipkart has been caught in the middle of a tweetstorm following a promotional email sent to female customers featuring text that appears to be sexist.