వారెవా.. పాలపుంతలోని గ్రహానికి బెంగళూరు అమ్మాయి పేరు!
పదహారేళ్లకే బెంగళూరు అమ్మాయి సాహితి పింగళి అరుదైన గౌరవం దక్కించుకుంది. నీటి నాణ్యతను పెంచే దిశగా ఆమె చేసిన కృషికి ప్రతిష్టాత్మక అంతర్జాతీయ సైన్స్ అవార్డు దక్కడంతోపాటు విశ్వంలోని ఓ చిన్న గ్రహానికి ఆమె
బెంగళూరు: పదహారేళ్లకే బెంగళూరు అమ్మాయి సాహితి పింగళికి అరుదైన గౌరవం దక్కింది. నీటి నాణ్యతను పెంచే దిశగా ఆమె చేసిన కృషికి ప్రతిష్టాత్మక అంతర్జాతీయ సైన్స్ అవార్డు దక్కడంతోపాటు విశ్వంలోని ఓ చిన్న గ్రహానికి ఆమె పేరు పెట్టారు.
సాహితి ప్రస్తుతం పన్నెండో తరగతి చదువుతోంది. ఈనెల మొదట్లో లాస్ ఏంజిల్స్ లో జరిగిన ఇంటెల్ ఇంటర్నేషనల్ సైన్స్ అండ్ ఇంజినీరింగ్ ఫెయిర్ లో పాల్గొంది. 'ఇన్నోవేటివ్ గ్రౌండ్ సోర్స్ అప్రోచ్ టు మానిటరింగ్ ఫ్రెష్ వాటర్ బాడీస్' అనే అంశంపై సాహితి చేసిన పరిశోధనకు గోల్డ్ మెడల్ దక్కింది.
మసాచుసెట్స్ ఇనిస్టిట్యూట్ ఆఫ్ టెక్నాలజీ(ఎంఐటీ)లోని లింకన్ ల్యాబొరేటరీకి విశ్వంలోని చిన్న గ్రహాలకు పేర్లు పెట్టే హక్కలున్నాయి. ఈ సైన్స్ ఫెయిర్ లో భారతీయులకు మొత్తం 21 అవార్డులు దక్కగా అందులో మూడు సాహితి పింగళికి దక్కడ విశేషం.
ఎర్త్ అండ్ ఎన్విరాన్ మెంట్ సైన్సెస్ కేటగిరీలో మొత్తంగా సాహితి ద్వితీయ స్థానంలో నిలిచింది. 'నేనిది ఊహించలేదు, ఒక్క స్పెషల్ అవార్డు మాత్రమే నేను వస్తుందనుకున్నా..' అంటూ సాహితి సంతోషం వ్యక్తం చేసింది. ప్రస్తుతం ఈమె యూనివర్సిటీ ఆఫ్ మిచిగాన్ లో ఇంటర్న్ షిప్ చేస్తోంది.