భర్తకు షాక్: తలాక్ చెప్పిన భార్య, కారణం మంచిదే!
దేశంలో ట్రిపుల్ తలాక్పై తీవ్ర చర్చ జరుగుతున్న తరుణంలో కోల్కతాలో చోటు చేసుకున్న ఇప్పుడు సంచలనంగా మారింది. చదువుకోవడానికి అడ్డు చెప్పాడని ఓ 16ఏళ్ల బాలిక తన భర్తకు ముమ్మారు తలాక్ చెప్పేసింది.
కోల్కతా: దేశంలో ట్రిపుల్ తలాక్పై తీవ్ర చర్చ జరుగుతున్న తరుణంలో కోల్కతాలో చోటు చేసుకున్న ఘటన ఇప్పుడు చర్చనీయాంశంగా మారింది. చదువుకోవడానికి అడ్డు చెప్పాడని ఓ 16ఏళ్ల బాలిక తన భర్తకు ముమ్మారు తలాక్ చెప్పేసింది. దీంతో ఆమె బంధువులందరూ ఆశ్చర్యపోయారు. ఈ సందర్భంగా పలువురు ఆమె చేసిన పనిని అభినందించారు.
వివరాల్లోకి
వెళితే..
పశ్చిమబెంగాల్
రాజధాని
కోల్కతాకి
చెందిన
16ఏళ్ల
మంపి
తొమ్మిదో
తరగతి
చదువుకుంటున్న
సమయంలోనే
తల్లిదండ్రులు
పెళ్లి
చేశారు.
పెళ్లైన
తర్వాత
కూడా
చదువు
కొనసాగించేందుకు
అప్పుడు
ఆమె
భర్త
ఒప్పుకొన్నాడు.
కానీ
ఆ
తర్వాత
మంపి
పాఠశాలకు
వెళ్లడం,
చదువుకోవడానికి
అభ్యంతరం
తెలిపాడు.
పదో తరగతిలో చేర్పించమని భర్తను అడిగినా, పట్టించుకోకపోవడంతో ఆమె తల్లిదండ్రుల దగ్గరికి వెళ్లిపోయింది. చదువుకునేందుకు అనుమతిస్తేనే అత్తవారింటికి వస్తానని తెగేసి చెప్పింది. దీంతో ఆమె తల్లిదండ్రులు మంపిని మథురాపూర్లో ఉన్న ఓ పాఠశాలలో పదో తరగతికి చేర్పించారు.
విషయం తెలుసుకున్న భర్త మంపి ఇంటికి వచ్చి తన వెంట వచ్చేయాలని గొడవ పెట్టుకున్నాడు. అందుకు నిరాకరించిన మంపి గట్టిగా కేకలు వేస్తూ భర్తకు మూడు సార్లు తలాక్ చెప్పేసింది. దీంతో ఒక్కసారిగా ఆశ్చర్యానికి గురైన ఆమె భర్త అక్కడ్నుంచి వెళ్లిపోయాడు. దీంతో మంపి ఆనందం వ్యక్తం చేసింది. తనకు తన తల్లిదండ్రులు అండగా నిలిచారని చెప్పుకొచ్చింది.