హై ప్రొఫైల్ సెక్స్ రాకెట్ గుట్టురట్టు: ఓ నక్సలైటు తోపాటు 27మంది అరెస్ట్

పాట్నా: బీహార్‌ రాష్ట్రంలోని నవాడలో హై ప్రొఫైల్ సెక్స్ రాకెట్ గుట్టు రట్టయింది. ఓ వ్యభిచార గృహం నుంచి ఒక నక్సలైటు సహా 27 మందిని పోలీసులు అరెస్టు చేశారు. డాన్స్‌ అండ్‌ సింగింగ్‌ ట్రైనింగ్‌ సెంటర్‌ పేరుతో కార్యాలయాన్ని నిర్వహిస్తూ ఆ ముసుగులో వ్యభిచార గృహాన్ని నడుపుతున్నారని పోలీసులు తెలిపారు.

పక్కా సమాచారంతోనే వ్యభిచార గృహంపై దాడి చేశామని చెప్పారు. నక్సలైటు రామానంద్‌ పాశ్వాన్‌ సహా 15 మంది యువతులు, 8 మంది పురుషులు, ముగ్గురు కోఆర్డినేటర్లను అదుపులోకి తీసుకున్నామని పోలీసులు తెలిపారు.

నిందితులపై కేసు నమోదు చేసి, న్యాయస్థానం ముందు హాజరుపరుస్తామని పోలీసులు తెలిపారు. కాగా, ఈ సెక్స్ రాకెట్ వెనక రాజకీయ నాయకుల హస్తం కూడా ఉందని స్థానికులు చెబుతున్నారు.

English summary

Police busted a high-profile sex racket, which was operating from Janakpurdham locality near the Arwal district headquarters office in Nawada. Twenty seven persons including a hard core Naxal were arrested from the spot.