సెక్స్ మార్పిడి, స్త్రీ అనుభూతికి యోని అవసరంలేదు : గౌరీ అరోరా
న్యూఢిల్లీ : సెక్స్ మార్పిడి శస్త్ర చికిత్సల ద్వారా అబ్బాయి నుంచి అమ్మాయిగా మారిపోయిన మోడల్ గౌరీ అరోరా ఇన్ స్టాగ్రామ్ ద్వారా తన ఫోటోలను షేర్ చేసింది. ఇదే క్రమంలో తన అభిప్రాయాలను వ్యక్తం చేసిన గౌరీ అరోరా.. స్త్రీ అనే అనుభూతి పొందడానికి యోని తప్పనిసరిగా ఉండాలని తాను భావించడం లేదని చేసిన కామెంట్స్ హాట్ టాపిక్ గా మారాయి.
ప్రస్తుతం ఆమె సెక్స్ మార్పిడి ఇంకా చికిత్స దశలోనే ఉండగా.. త్వరలోనే రొమ్ముకు శస్త్ర చికిత్స చేయించుకున్నట్టు వెల్లడించింది. ప్రస్తుతం తాను మెడిసిన్స్ వాడుతున్నానని శారీరకంగా తాను ఎప్పుడు సంసిద్దత వ్యక్తం చేస్తే.. అప్పుడు వైద్యులు తనకు సెక్స్ మార్పిడి శస్త్ర చికిత్స చేస్తారని గౌరీ అరోరా ప్రకటించింది. పూర్తి లింగమార్పిడి జరిగేందుకు ఏడాది నుంచి రెండేళ్ల సమయం పట్టే అవకాశముందని తెలిపింది.
లింగమార్పిడి విషయాన్ని తాను సిగ్గుచేటు వ్యవహారంగా భావించడం లేదని ఈ సందర్భంగా గౌరీ తన అభిప్రాయం వ్యక్తం చేసింది. చుట్టూ ఉన్న సమాజంతో పాటు, కుటుంబ సభ్యులందరూ తన సెక్స్ మార్పిడిని వ్యతిరేకించినా.. తాను మాత్రం సెక్స్ మార్పిడి గురించి టీవీ షోలో ప్రకటన చేశానని చెప్పింది గౌరీ.
ఎవరికి ఇష్టమున్నా..! లేకున్నా..! వారి ఇష్ట ప్రకారం తాను ఉండలేనని, తనకు నచ్చినట్టే జీవితం గడుపుతానని గౌరీ స్పష్టం చేసింది. 'సెక్స్ మార్పిడి శస్త్రచికిత్స చేయించేందుకు నా తండ్రి మద్ధతు ఇవ్వలేదు. సోదరి నాతో మాట్లాడటం లేదు. నా తల్లి నా వైపే ఉన్నా ముందుకు రావడం లేదు' అంటూ ఆవేదన వ్యక్తం చేసింది.