ఈ సిటీలోను భద్రత లేదని తెలిసింది: ఫ్యాషన్ డిజైనర్ పట్ల టెక్కీ అనుచిత ప్రవర్తన

Posted By:
Subscribe to Oneindia Telugu

ముంబై: ఫ్యాషన్ డిజైనర్ పట్ల అనుచితంగా ప్రవర్తించిన కేసులో 36 ఏళ్ల సాఫ్టువేర్ ఇంజినీర్‌ను అంబోలీ పోలీసులు మంగళవారం నాడు అరెస్టు చేశారు. సోమవారం దాదాపు 45 నిమిషాల పాటు ఆమెన వేధించాడు.

నిందితుడిని నితేష్ కుమార్(36)గా గుర్తించారు. బాధితురాలు అదితి నాగ్‌పాల్. యువతి అంధేరి వెస్ట్‌లో ఉంటోంది. నిందితుడు ఆమెను ఆమె నివాసం ఉండే తొలి అంతస్తు వరకు ఫాలో అయ్యాడు. అంతేకాదు, ఆమె ఇంటి కాలింగ్ బెల్ కూడా కొట్టాడు.

వెంటనే యువతి గట్టిగా అరిచింది. దీంతో అతను భవనం కిందకు వెళ్లాడు. అతను తన కారు వద్ద నిలుచొని, అదే పనిగా ఆమె ఫ్లాట్ వైపు చూశాడు.

చండీగఢ్‌లో వర్ణిక వేధింపుల అంశం వెలుగు చూసిన మరుసటి రోజే ఇది జరగడం గమనార్హం.

ఈ సంఘటనపై యువతి పోలీసులకు ఫిర్యాదు చేసింది. అంతేకాదు, ఫేస్‌బుక్‌లో ఇందుకు సంబంధించి పోస్ట్ కూడా పెట్టింది. గత పదేళ్లుగా ముంబైలో తాను భద్రంగా ఉన్నట్లు భావిస్తూ వచ్చానని, కానీ ఈ నగరం కూడా అంత క్షేమం కాదని గత రాత్రి అర్థమైందని ఆమె పేర్కొన్నారు.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
Amboli police on Tuesday arrested a 36-year-old IT professional for stalking a fashion designer for almost 45 minutes early Monday morning. The incident got scarier when the accused identified as Niteshkumar Sharma (36) chased the victim Aditi Nagpaul in a car and followed her upto her first floor flat in Andheri (West) and also rang her doorbell. When Nagpaul shouted at Sharma he went downstairs and waited in his car and stared at her flat. The incident occurred a day after stalking of DJ Varnika in Chandigarh.
Please Wait while comments are loading...