ముంబైలో జస్టిన్ బీబర్ పాప్ 'షో': టికెట్ రేటు తెలిస్తే నోరెళ్లబెట్టాల్సిందే..
వీవీఐపీ గ్యాలరీ టికెట్ ధరను రూ.76వేలుగా నిర్ణయించారు నిర్వహించారు. వివిధ కేటగిరీల్లో ఈ టికెట్ రేట్లను నిర్ణయించిన నిర్వాహకులు.. రూ.4వేల టికెట్ ను ప్రారంభ ధరగా నిర్ణయించారు.
ముంబై: చిన్నతనంలోనే పాప్ సామ్రాజ్యంలోకి దూసుకొచ్చిన జస్టిన్ బీబర్.. తన పాటలతో ప్రపంచవ్యాప్తంగా అభిమానులను సంపాదించుకున్నాడు. అదే సమయంలో డ్రగ్స్, ఎఫైర్స్ తో 'బ్యాడ్ బాయ్'గాను వార్తల్లోకి ఎక్కాడు.
ఈ యువ పాప్ సంచలనం ఇప్పుడు ఇండియాలోను అడుగుపెట్టనున్నాడు. ముంబై వేదికగా జస్టిన్ బీబర్ చేయబోయే పాప్ షో ప్రస్తుతం దేశవ్యాప్తంగా హాట్ టాపిక్ గా మారింది. దాదాపు 10పాటలతో 'షో'లో అభిమానులను బీబర్ ఉర్రూతలూగించనున్నాడు. బీబర్ 'షో' కోసం ప్రపంచవ్యాప్తంగా ఉన్న పలువురు అంతర్జాతీయ ప్రముఖులు హాజరవుతున్నట్లు చెబుతున్నారు.
Which organ you decided to sell for ticket?#JustinBieberIndia #PurposeTourIndia
— Meghna (@Queen_Meghna) February 22, 2017
ఇక్కడిదాకా అంతా బాగానే ఉన్నా.. బీబర్ పాప్ షో కోసం నిర్ణయించిన టికెట్ ధరలను చూస్తే మాత్రం కచ్చితంగా నోరెళ్లబెట్టాల్సిందే. వీవీఐపీ గ్యాలరీ టికెట్ ధరను రూ.76వేలుగా నిర్ణయించారు. వివిధ కేటగిరీల్లో ఈ టికెట్ రేట్లను నిర్ణయించిన నిర్వాహకులు.. రూ.4వేల టికెట్ ను ప్రారంభ ధరగా నిర్ణయించారు.
woooahh! 76,000 for Justin Bieber. Sorry I ain't got that much money. Ppl paying 76000 you can get an iPhone7 for 55000+ iPhone 5s. Think
— Rhia mittal (@Rhia_mittal) February 21, 2017
ఈ టికెట్ రేట్లపై విస్మయం వ్యక్తం చేస్తున్న నెటిజెన్స్ బీబర్ షో పై సోషల్ మీడియాలో సెటైర్స్ వేస్తున్నారు. బీబర్ 'షో'కి టికెట్ కొనుక్కోవాలంటే బాడీలో ఏదైనా పార్ట్ ను అమ్మేసుకోవాల్సిందేనని కొంతమంది అభిప్రాయపడుతుండగా.. ఈ 'షో'కి వెళ్లే బదులు ఓ ఐఫోన్ కొనుక్కోవచ్చు అని మరికొంతమంది అభిప్రాయడుతున్నారు.