మంత్రిని బహిష్కరించారు: కుమార్తె వివాహం ఎఫెక్ట్
ఒడిశా: అగ్రకులానికి చెందిన వ్యక్తితో కుమార్తె వివాహం జరిపించిన మంత్రిని కుల పెద్దలు ఊరి నుంచి బహిష్కరించారు.ఆయనకు అండగా నిలిచిన వారిని సైతం వెలేశారు, సాక్షాత్తు ఓ మంత్రిని ఊరి నుంచి, కులం నుంచి వెలివేశారని వెలుగు చూడటంతో దేశ వ్యాప్తంగా చర్చ జరుగుతున్నది.
ఒడిశా రాష్ట్ర ఎస్సీ, ఎస్టీ, అభివృద్ది, క్రీడలు, యూత్ సర్వీస్ శాఖ మంత్రి సుదమ్ మురాండీ సంతాల్ గిరిజన తెగకు చెందిన వారు. ఈయన కుమార్తె సంజీవిని, బిజూ జనతాదళ్ స్టూడెంట్ నాయకుడు, బ్రాహ్మణ సామాజిక వర్గానికి చెందిన సునీల్ సరంగి ప్రేమించుకున్నారు.
2016 జనవరి 31వ తేదిన మంత్రి సుదమ్ భువనేశ్వర్ లో కుమార్తె సంజీవిని, సునీల్ సరంగికి వైభవంగా వివాహం జరిపించాడు. ఈ వివాహ వేడుకులకు గవర్నర్, ముఖ్యమంత్రితో పాటు అతిరథ మహారథులందరూ హాజరైనారు. మంత్రి తన కుమార్తెకు కులాంతర వివాహం జరిపించారని కుల పెద్దలు తెలుసుకున్నారు.
శుక్రవారం పట్టణంలో కుల పెద్దలు పంచాయితీ పెట్టారు. సంతాల్ తెగ (గిరిజన) లో కులాంతార వివాహాలకు తావులేదని కుల పెద్దలు తేల్చి చెప్పారు. మంత్రి సుదమ్ నియమాలు ఉల్లంచినందు వలన ఆయనను కులం నుంచి, ఊరి నుంచి బహష్కరించారు.