సినీ నటి అంజలి శ్రీవాస్తవ ఆత్మహత్య.. ఇంటిలోనే చీరతో ఉరి!
భోజ్పురి హీరోయిన్ అంజలి శ్రీవాస్తవ (29) ఆత్మహత్య చేసుకుంది. ముంబై పశ్చిమ అంధేరీలోని జుహులేన్లో ఉంటున్న అంజలి తన ఇంటిలోనే చీరతో ఫ్యాన్కు ఉరివేసుకుని ఆత్మహత్య చేసుకుంది.
ముంబై: భోజ్పురి హీరోయిన్ అంజలి శ్రీవాస్తవ (29) ఆత్మహత్య చేసుకుంది. ముంబై పశ్చిమ అంధేరీలోని జుహులేన్లో ఉంటున్న అంజలి తన ఇంటిలోనే చీరతో ఫ్యాన్కు ఉరివేసుకుని ఆత్మహత్య చేసుకుంది.
చదవండి: సంచలన కేసు... అంతకంటే సంచలన మలుపు, అవాక్కయిన పోలీసులు
హీరోయిన్ అంజలి ఆత్మహత్య విషయం సోమవారం మధ్యాహ్నం వెలుగులోకి వచ్చింది. పోలీసుల కథనం ప్రకారం... ఆదివారం రాత్రి అంజలి కుటుంబ సభ్యులు ఆమెకు పలుమార్లు ఫోన్లు చేసినా లిఫ్ట్ చేయలేదు.
దీంతో అంజలి ఉంటున్న ఇంటి యజమానికి సమాచారం అందించగా, ఆయన డూప్లికేట్ తాళంతో ఇంటి తలుపులు తెరిచి చూడగా సీలింగ్ ఫ్యాన్ కు ఆమె మృతదేహం వేలాడుతూ కనిపించింది. వెంటనే ఆయన పోలీసులకు సమాచారం అందించి అంజలిని కూపర్ ఆసుపత్రికి తరలించారు.
అయితే అప్పటికే ఆమె మృతి చెందినట్టు వైద్యులు ధ్రువీకరించారు. ఆమె నివాసంలో ఎటువంటి సూసైడ్ నోట్ కనిపించలేదని, కేసు నమోదు చేసుకుని దర్యాప్తు చేస్తున్నామని పోలీసులు తెలిపారు.