గోరఖ్‌పూర్‌లో 105కి చేరిన పిల్లల మరణాలు.. ఆసుపత్రికి వెళ్లనున్న రాహుల్ గాంధీ, సీఎం యోగి

గోరఖ్‌పూర్‌: ఉత్తరప్రదేశ్ బాబా రాఘవ దాస్ మెడికల్‌ కాలేజీ ఆసుపత్రిలో పిల్లల మరణాలు ఇంకా కొనసాగుతూనే ఉన్నాయి. గత 24 గంటల్లో మరో 9 మంది చిన్నారులు చనిపోవటంతో ఆ సంఖ్య 105కి చేరుకుంది. ఈ విషయాన్ని డాక్టర్‌ పీకే సింగ్‌ ధృవీకరించారు.

నియోనాటల్ వార్డులో ఐదుగురు, ఏన్కెఫలైటిస్ వార్డులో ఇద్దరు, సాధారణ వార్డులో ఇద్దరు చనిపోయినట్లు ఆయన వెల్లడించారు. చనిపోయిన వారిలో చాలా మంది నవజాత శిశువులు ఉన్నారని, అత్యవసర స్థితిలోనే వారిని తల్లిదండ్రులు ఇక్కడికి తీసుకొచ్చారని సింగ్ తెలిపారు.

ఆగస్టు 10 నుంచి ఆగస్టు 11వ వరకు.. ఆ 48 గంటల్లోనే 30 మంది పిల్లలు ఆక్సిజన్ అందక చనిపోయారంటూ జిల్లా మెజిస్ట్రేట్ ప్రభుత్వానికి సమర్పించిన నివేదికలో పేర్కోన్నారు.

మరోవైపు బాధిత కుటుంబాలను పరామర్శించేందుకు కాంగ్రెస్ ఉపాధ్యక్షుడు రాహుల్‌ గాంధీ శనివారం యూపీకి వెళ్లనున్నారు. బీఆర్డీ ఆసుపత్రిని కూడా ఆయన సందర్శించే అవకాశాలున్నాయని తెలుస్తోంది.

ఇంకోవైపు యూపీ సీఎం యోగి ఆదిత్యనాథ్ గోరఖ్‌పూర్‌ లో స్వచ్ఛ్‌భారత్‌ అభియాన్‌ కార్యక్రమంలో పాల్గొననున్నారు. ఆయన కూడా ఆసుపత్రిని సందర్శించి.. పరిస్థితిని సమీక్షించే అవకాశం ఉందని సీఎంవో అధికారులు చెబుతున్నారు.

English summary

Deaths of nine more children were reported from the Baba Raghav Das Medical College in the last 24 hours between Thursday and Friday, taking the toll to 105 since the August 10 tragedy. The deaths were confirmed by Dr PK Singh, the BRD Medical College, who briefed the media in his office. Uttar Pradesh Chief Minister Yogi Adityanath and Congress vice president Rahul Gandhi will be on a visit here tomorrow. Gandhi will also arrive here tomorrow in connection with the death of children in the BRD medical college hospital, Congress district unit president Sayed Jamal said. Till yesterday, the death toll in the BRD hospital since August 7 was 71 due to various causes including encephalitis.