Click it and Unblock the Notifications
Just In
Don't Miss
-
Karthika Deepam 2 నా బిడ్డకు దూరంగా ఉండు.. కార్తీక్కు దీప షాక్ -
PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా -
గుడ్నైట్ సందేశాలను ఇలా సరదాగా పంపుకోండి.. -
40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు! -
గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ -
Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను.. -
ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
మాంసం.. శృంగారం వద్దు: గర్భిణీలకు ఆయుష్ సూచన.. అశాస్త్రీయమంటున్న హేతువాదులు
ముఖ్యంగా మాంసం తినవద్దంటూ గర్భిణీ స్త్రీలకు సూచించడం సరైంది కాదన్నారు. గర్భిణీ స్త్రీలు మాంసం తీసుకోవడం ద్వారా శరీరానికి కావాల్సిన ఐరన్, ప్రోటీన్ సంపూర్తిగా అందుతాయన్నారు. శాఖాహారం నుంచి లభించే ఐరన్,
న్యూఢిల్లీ: మాసం తినవద్దు.. శృంగారానికి దూరంగా ఉండండి.. చెడు అలవాట్లను త్యజించండి.. గర్భిణీ స్త్రీల కోసం ఆయుష్ మంత్రిత్వ శాఖ చేస్తున్న సూచనలివి. సంవత్సరానికి 26మిలియన్ల శిశువులకు జన్మనిస్తున్న దేశంగా.. ఇక్కడ గర్భిణీ స్త్రీలు ఇలాంటి జాగ్రత్తలు పాటించాలని.. అలాంటప్పుడే ఆరోగ్యకరమైన బిడ్డలకు జన్మనిస్తారని చెబుతోంది.
గర్భిణీగా ఉన్న సమయంలో.. గదిలో ఆహ్లాదకరమైన అందమైన పోస్టర్లను అంటించుకోవాలని ఆయుష్ మంత్రిత్వ శాఖ సూచిస్తోంది. ఈ మేరకు మదర్ అండ్ చైల్డ్ కేర్ కింద ఆయుష్ మంత్రిత్వ శాఖ ఓ పుస్తకాన్ని వెలువరించింది. బీజేపీ సర్కార్ తీసుకొచ్చిన ఈ పుస్తకంపై విమర్శలు కూడా వెల్లువెత్తుతున్నాయి.
ఆరోగ్య నిపుణులు మరియు హేతువాదులు బీజేపీ తీరును తప్పుపడుతున్నారు. బీజేపీ మరియు కొన్ని హిందుత్వ గ్రూపులు కలిసి అశాస్త్రీయమైన సిద్దాంతాలను జనాల మీద రుద్దడానికి ప్రయత్నిస్తున్నారని విమర్శిస్తున్నారు.
ఇదిలా ఉంటే సెంట్రల్ కౌన్సిల్ రీసెర్చీ ఇన్ యోగా అండ్ నేచరోపతి డైరెక్టర్ డాక్టర్ ఐశ్వర్య మాత్రం ఈ వాదనను ఖండించారు. శృంగారానికి కచ్చితంగా దూరంగా ఉండాలని పుస్తకంలో ఎక్కడా చెప్పలేదన్నారు. దీనిపై స్పందించిన అపోలో వైద్యురాలు మాళవిక పుస్తకంలో పొందుపరిచిన అంశాలను తప్పుపట్టారు.
ముఖ్యంగా మాంసం తినవద్దంటూ గర్భిణీ స్త్రీలకు సూచించడం సరైంది కాదన్నారు. గర్భిణీ స్త్రీలు మాంసం తీసుకోవడం ద్వారా శరీరానికి కావాల్సిన ఐరన్, ప్రోటీన్ సంపూర్తిగా అందుతాయన్నారు. శాఖాహారం నుంచి లభించే ఐరన్, ప్రోటీన్ ల కన్నా ఇవి ఎక్కువ ప్రయోజనకం కలిగిస్తాయన్నారు. అదే సమయంలో ఎలాంటి సమస్యలు లేని గర్భిణీ స్త్రీలు సాధారణ శృంగారంలో పాల్గొనవచ్చునని చెబుతున్నారు.
గతవారం జామ్ నగర్ కేంద్రంగా పనిచేసే గర్భ్ విజ్ఞాన్ అనుసంధాన్ గర్భిణీ స్త్రీలకు ఇచ్చిన సలహాలపై కూడా అభ్యంతరాలు వ్యక్తమవుతున్నాయి. ఆర్ఎస్ఎస్ అనుబంధం సంస్థగా పనిచేస్తుందన్న ఆరోపణలు దీనిపై ఉన్నాయి.
కాగా, ఉత్తమ సంతానం కలగాలంటే గర్భంతో ఉన్న సమయంలో శృంగారానికి దూరంగా ఉండాలంటూ గర్భ్ విజ్ఞాన్ అనుసంధాన్ గర్భిణీ స్త్రీలకు సూచిస్తోంది. అటు యోగా గురు రాందేవ్ బాబా సైతం పుత్ర బీజక్ మెడిసిన్ ప్రవేశపెట్టి విమర్శలు ఎదుర్కొంటున్న సంగతి తెలిసిందే. దీన్ని సేవించడం ద్వారా మగపిల్లలే పుడుతారన్న ప్రచారం జరుగుతోంది.
