నడిరోడ్డుపై అమ్మాయికి లవ్ ప్రపోజ్.. తప్పు పట్టిన మతనాయకులు, దుమారం!

Subscribe to Oneindia Telugu

భీవండి: నడిరోడ్డుపై వాహనాలు అటూ ఇటూ రద్దీగా వెళుతున్న సమయంలో ఓ అమ్మాయికి యువకుడు తన ప్రేమను తెలుపుతూ ప్రపోజ్ చేయడం మహారాష్ట్రలోని భీవండిలో దుమారం రేపుతోంది. స్థానిక నాయకులు, మతపెద్దలు ఈ జంట చర్యను తీవ్రంగా తప్పుబడుతున్నారు.

భీవండిలో ఈనెల 11న యువకుడు బురఖా ధరించి ఓ అమ్మాయికి నడిరోడ్డుపై ప్రపోజ్ చేస్తూ కనిపించాడు. ఆమెను కౌగిలించుకుని తన ప్రేమను ప్రకటించాడు. ఈ అనూహ్య ఘటనను చూసి కొందరు వాహనదారులు విస్తుపోగా, మరికొందరు వారిని ఉత్సాహపరిచారు. ఇప్పుడీ వ్యవహారం వీడియో సోషల్ మీడియాలో, ఆన్ లైన్ లో పెనుదుమారం సృష్టించింది.

వైరల్ గా మారిన ఈ వీడియోపై మతపెద్దలు తీవ్ర ఆగ్రహం వ్యక్తం చేస్తున్నారు. ఆ అమ్మాయి, అబ్బాయి.. ఇద్దరూ కూడా ముస్లిం వర్గానికి చెందిన వారు. ఈ నేపథ్యంలో వారి తీరు మతాచారాలకు విరుద్ధంగా ఉందని, వారికి వ్యతిరేకంగా ప్రదర్శనలు నిర్వహిస్తామంటూ మతసంస్థలు హెచ్చరిస్తున్నాయి.

 Outrage over boy proposing to girl in public, couple forced to apologise

ఈ నేపథ్యంలో తమ కుటుంబానికి తీవ్ర బెదిరింపులు వస్తున్నాయని అమ్మాయి తండ్రి తెలిపారు. ఇలా వేధింపులు ఆపకపోతే.. ఆత్మహత్య చేసుకుంటానని అమ్మాయి కూడా మీడియాతో పేర్కొంది. మరోవైపు సదరు అబ్బాయి కూడా నడిరోడ్డుపై తాను చేసిన పనికి విచారం వ్యక్తం చేస్తూ.. క్షమాపణలు చెబుతూ యూట్యూబ్ లో రెండు వీడియోలు పెట్టాడు.

మత పెద్దల బెదిరింపుల నేపథ్యంలో భద్రత కల్పిస్తామని ఆ జంటకు పోలీసులు హామీ ఇచ్చారు. వారిని, వారి కుటుంబాన్ని బెదిరింపులకు గురిచేసే వారిపై తీవ్ర చర్యలు ఉంటాయని, అలాగే వారి ప్రేమ వీడియోను ఆన్ లైన్ లో పోస్టు చేసిన వ్యక్తిపైనా చర్యలు తీసుకుంటామని పోలీసులు స్పష్టం చేశారు.

English summary
A day after the incident, on March 12, a video was uploaded on the internet which went viral. A couple from Bhiwandi in Maharashtra invited wrath of local community leaders after a video of them hugging in public went viral on the internet. The boy is seen proposing to the girl in the middle of a busy road in Thane as the locals looked in bewilderment, some cheering the young couple. The incident is reported to have taken place on March 11. However, leaders from the local Muslim community, including National Lokhind Party and Raza Academy, threatened to demonstrate against the young couple accusing them of indulging in actions that went against religious tenets. Both the boy and the girl belong to the Muslim community.
Please Wait while comments are loading...