స్టేషన్లోనే 'మందు దుకాణం': ఫుల్లుగా తాగి చిందేసిన పోలీసులు..
ఏకంగా పోలీసు స్టేషన్ లోపలే మందు బాగోతం మొదలుపెట్టారు. బీర్ బాటిల్స్ తో హల్ చల్ చేస్తూ.. స్టేషన్ ప్రాంగణంలోనే తాగి తంథనాలాడారు.
హైదరాబాద్: నలుగురికి ఆదర్శంగా.. బాధ్యాతయుతంగా మెలగాల్సిన పోలీసులే ఈమధ్య గాడి తప్పుతున్న ఘటనలు కనిపిస్తున్నాయి. పోలీస్ స్టేషన్ లోనే తాగి చిందులేసిన ఘటనలు.. ఆపై రోడ్ల మీద కూడా హల్ చల్ చేసిన సంఘటనలు చాలానే చూశాం.
ఇదే తరహాలో మధ్యప్రదేశ్ లోని గ్వాలియర్ లోను ఒక ఘటన చోటు చేసుకుంది. హోలీ వేడుకల్లో మునిగిపోయిన అక్కడి పోలీసులు ఎక్కడున్నామన్న సంగతి కూడా మరిచిపోయారు. ఏకంగా పోలీసు స్టేషన్ లోపలే మందు బాగోతం మొదలుపెట్టారు. బీర్ బాటిల్స్ తో హల్ చల్ చేస్తూ.. స్టేషన్ ప్రాంగణంలోనే తాగి తంథనాలాడారు.
#CaughtonCam Policemen drinking beer inside a Police station in Madhya Pradesh's Gwalior. (14.3.17) pic.twitter.com/tYW9F0GvCX
— ANI (@ANI_news) March 16, 2017
అయితే దీనికి సంబంధించిన వీడియో ఎవరు తీశారో తెలియదు గానీ మొత్తానికి ఈ వీడియో ఇంటర్నెట్ లోకి ఎక్కేసింది. దీంతో వీడియో చూసినవారంతా సదరు పోలీసు అధికారులపై విమర్శలు గుప్పిస్తున్నారు.