బుల్లితెర 'ఆనంది' మరో కోణం: జీవితంపై ఇలా...
న్యూఢిల్లీ: చిన్నారి పెళ్లి కూతురు ఫేమ్ ప్రత్యూష బెనర్జీ (సీరియల్లో పేరు ఆనంది) ఆత్మహత్య అందర్నీ కదిలించింది. ప్రియుడితో సంబంధాలు తెగిపోవడం ఆమెను బాధించిందని, దీంతో మెంటల్గా వీక్ అయిన ఆమె ఆత్మహత్య చేసుకుందని కొన్ని వాదనలు వినిపిస్తున్నాయి.
అయితే, ఆమె స్నేహితులు మాత్రం.. ఆమె చాలా ధైర్యవంతురాలని, ఆమె ఆత్మహత్య చేసుకునేంత పిరికి వ్యక్తి కాదని చెబుతున్నారు. అయితే, గత కొద్ది రోజులుగా ఆమె చేస్తున్న ట్వీట్లను పరిశీలిస్తే.. ఆమెకు జీవితం పైన ఎంత స్పష్టత ఉందో తెలిస్తుంది.
ఏ విషయాన్ని అయినా సానుకూలంగా తీసుకునే వ్యక్తిత్వం ఆమెలో కనిపిస్తుంది. మూడు రోజుల క్రితం ఆనంది అలియాస్ ప్రత్యూష తన ఇంటిలో విగతజీవిగా కనిపించిన విషయం తెలిసిందే. అయితే, జీవితం పట్ల ఆమె ఎంత సానుకూలంగా ఉంటుందో తెలిపే ట్వీట్లు కొన్ని ఉన్నాయి.
'నీవు వ్యక్తిగతంగా ఎన్నుకున్న దానికి మరొకరిని నిందించవద్దు. నీ ప్రయత్నం కొనసాగిస్తున్నంత వరకు నీవు ఓడిపోయిన వ్యక్తివి కావు. జీవితం ఒకేసారి వచ్చే అవకాశం. దానిని బాగా ఉపయోగించుకోవాలి.' ఇలా పలు ట్వీట్లు ఆమె చేసింది. అందులో కొన్ని...