సర్టిఫికెట్లు కావాలా?.. అయితే కోరిక తీర్చాల్సిందే: టీచర్కు వేధింపులు
అతను చెప్పినట్లుగానే అక్కడికి వెళ్లగా.. కోరిక తీర్చాలంటూ ఒత్తిడి చేశాడు. లేదంటే సర్టిఫికెట్స్ ఇవ్వనని, బయట చెడుగా ప్రచారం చేస్తానని బెదిరించాడు.
చెన్నై: ఓ ప్రైవేట్ స్కూల్ టీచర్ పట్ల అసభ్యంగా ప్రవర్తించిన కరస్పాండెంట్ను పోలీసులు అరెస్టు చేశారు. బాధితురాలి ఫిర్యాదు మేరకు నిందితుడిని అరెస్టు చేసిన పోలీసులు మీడియాకు వివరాలు వెల్లడించారు.
పోలీసుల కథనం ప్రకారం.. చెన్నైకి చెందిన ఓ మహిళ స్థానికంగా ఉన్న ఒక ప్రైవేటు స్కూల్లో టీచర్ గా పనిచేస్తోంది. రెండు నెలల క్రితం ఆమె తన ఉద్యోగాన్ని వదిలేసింది. శుక్రవారం రోజు స్కూల్ కు వెళ్లి తన ఒరిజినల్ సర్టిఫికెట్స్ ఇవ్వాల్సిందిగా కోరింది. దీంతో తన గదిలోకి రావాలంటూ కరస్పాండెంట్ రవి పిలిచాడు.
అతను చెప్పినట్లుగానే అక్కడికి వెళ్లగా.. కోరిక తీర్చాలంటూ ఒత్తిడి చేశాడు. లేదంటే సర్టిఫికెట్స్ ఇవ్వనని, బయట చెడుగా ప్రచారం చేస్తానని బెదిరించాడు. ఏం చేయాలో తెలియక.. ఆ మహిళ ఏమి మాట్లాడకుండా అక్కడి నుంచి ఇంటికి వెళ్లిపోయింది. ఆపై అసభ్య మెసేజ్ లతో సదరు కరస్పాండెంట్ ఆమెను వేధించడం మొదలుపెట్టాడు. దీంతో ఇక లాభం లేదనుకుని ఆమె పోలీసులను ఆశ్రయించింది.
బాధితురాలి ఫిర్యాదు మేరకు అతన్ని అదుపులోకి తీసుకున్న పోలీసులు కేసు నమోదు చేశారు. ప్రస్తుతం దర్యాప్తు కొనసాగుతోంది.