తొలిసారి: వాట్సప్ ద్వారా రాజీనామా పంపిన ఎస్ఐ
కాన్పూర్: తొలిసారి ఓ సబ్ ఇన్స్పెక్టర్ ఆఫ్ పోలీస్(ఎస్ఐ) వాట్సాప్ ద్వారా తన రాజీనామా పంపారు. ఈ ఘటన ఉత్తరప్రదేశ్ రాష్ట్రంలోని కాన్పూర్ దెహత్ జిల్లాలో చోటుచేసుకుంది. దేహత్ జిల్లాకు చెందిన ఎస్ఐ వినోద్కుమార్ తనపై అధికారుల వేధింపులు, అవమానాలు తాళలేక ప్రజల వద్ద నుంచి ఫిర్యాదులు స్వీకరించే హెల్ప్లైన్ నెంబర్కి వాట్సాప్ ద్వారా రాజీనామా లేఖ పంపించాడు.
కాగా, ఆ రాజీనామాను పై అధికారులకు ఫార్వర్డ్ చేశారు. ఈ విషయంపై పూర్తి దర్యాప్తు చేపట్టి, 24గంటల్లో నివేదిక అందజేయాలని ఐజీ అశుతోష్ పాండే అధికారులను ఆదేశించారు. ఈ విధంగా రాజీనామా ఇప్పటి వరకు ఎవరూ పంపలేదని, ఇదే మొదటిసారని ఆయన తెలిపారు.
మంగళవారం రాత్రి అతను రాజీనామాను వాట్సప్ ద్వారా పంపాడని చెప్పారు. ఈ హెల్ప్లైన్ నెంబర్ను 9 జిల్లాల్లోని 176 పోలీస్ స్టేషన్లలో ఏర్పాటు చేసినట్లు తెలిపారు. కాన్పూర్ జోన్లోకి వచ్చే ఔరేయా, ఈటాహ్, ఫరూఖాబాద్, కాన్పూర్, కాన్పూర్ దేహత్, కనూజ్, ఝాన్సీ, జలౌన్ జిల్లాల్లో ఈ హెల్ప్లైన్ ను ఏప్రిల్ 16న ప్రారంభించామని ఐజి పాండే తెలిపారు.
హెల్ప్లైన్ నెంబర్కు అనుసంధానంగా వాట్సప్ ఖాతాను కూడా తెరవడం జరిగిందని, ప్రజలు వారి ఫిర్యాదులను ఆడియో, వీడియో, టెక్ట్స్ మెసేజ్ల ద్వారా పంపుతున్నారని చెప్పారు.