భయంతో వణికిపోయిన తండ్రి.. ధైర్యంగా లాక్కొచ్చిన చిన్నారి.. హ్యాట్సాఫ్ అంటున్న నెటిజన్లు

తండ్రి భయంతో వణికిపోయి అడుగేయలేక కుప్పకూలిపోగా, ఆరేళ్ల వయసున్న అతడి కొడుకు ధైర్యంగా తండ్రి చేయి పట్టుకుని లాక్కుంటూ తీసుకెళ్లిన ఈ దృశ్యం చూస్తుంటే నోట్లోంచి ఒకటే మాట వస్తుంది ఎవరికైనా.. ‘శభాష్ బేటా..’

బీజింగ్: తండ్రి భయంతో వణికిపోయి అడుగేయలేక కుప్పకూలిపోగా, ఆరేళ్ల వయసున్న అతడి కొడుకు ధైర్యంగా తండ్రి చేయి పట్టుకుని లాక్కుంటూ తీసుకెళ్లిన ఈ దృశ్యం చూస్తుంటే నోట్లోంచి ఒకటే మాట వస్తుంది ఎవరికైనా.. 'శభాష్ బేటా..' అని!

విషయం ఏమిటంటే.. ఛైనాలో ఓ వ్యక్తి సరదాగా గాజు వంతెనపై నడవాలనుకున్నాడు. ఆరేళ్లు కూడా నిండ‌ని తన కొడుకుని కూడా వెంట తీసుకెళ్లాడు. చైనాలోని వాన్‌షెన్‌ నేషనల్‌ పార్కులో ఉన్న గాజు వంతెన దగ్గరికి వెళ్లాడు. కొడుకుతో సహా మెల్లగా గాజు వంతెనపై న‌డవడం ప్రారంభించాడు.

నడుస్తూ నడుస్తూ ఎందుకో కిందికి చూసే సరికి ఆ వ్యక్తికి గుండెలు జారిపోయాయి. అమ్మో.. ఉన్నట్లుండి కాళ్ల కింద ఉన్న గాజు పగిలి.. ఇక్కడ్నించి పడిపోతే.. ' అనే ఆలోచన రాగానే అతడు భ‌యంతో వ‌ణికిపోయాడు. దాంతో ఆ వంతెనపై నుంచి బ‌య‌ట‌కు రావ‌డానికి విపరీతంగా భయపడి అక్కడే కూలబడిపోయాడు.

అయితే, అత‌డి కుమారుడు మాత్రం గాజు వంతెన‌పై చ‌లాకీగా న‌డిచాడు. తండ్రికి ధైర్యం చెప్పాడు. చెయ్యి ప‌ట్టుకొని వంతెనపై లాక్కెళ్లాడు. ఈ దృశ్యాన్ని వీడియోలో చూస్తోన్న నెటిజ‌న్లంద‌రూ ఆ బాలుడి ధైర్యానికి ముగ్ధుడై 'హ్యాట్సాఫ్..' అంటూ కామెంట్లు చేస్తున్నారు.

ఆ బాలుడి ధైర్యాన్ని చూసి ఆశ్చర్యంలో మునిగిపోతున్నారు. ఆ పార్కులో కొండ చుట్టూ 330 అడుగుల ఎత్తులో 213 అడుగుల పొడవుతో ఈ గాజు వంతెన ఉంటుంది. ఈ చిన్నారి త‌న తండ్రికి ధైర్యం చెబుతూ ఎలా లాక్కెళుతున్నాడో మీరూ చూడండి.

English summary

Walking on a vertigo-inducing glass skywalk, way above the ground, may not be easy for many people. For one kid, however, it was no big deal. And his extremely terrified dad couldn't shake his confidence either. A video posted on the Trending in China Facebook page shows a little three-year-old dragging his dad across a skywalk in China. The video shows the dad sitting on the skywalk afraid to move any further. It's his pint-sized son who keeps encouraging him to move along. You can also hear several people laughing in the background.