డెత్ పెనాల్టీ ఎదుర్కొంటున్న కొలంబియా మోడల్

బీజింగ్: కొలంబియాకు చెందిన మోడల్ ఒకరు చైనాలో ఓ కేసును ఎదుర్కొంటోంది. ఈ కేసులో ఆమె దోషిగా తేలితే మరణ శిక్ష కూడా పడే అవకాశాలున్నాయని తెలుస్తోంది.

కొలంబియాకు చెందిన జులియానా లోపేజ్ అనే 22 ఏళ్ల యువతి ఓ బౌటిక్‌ను నడిపిస్తోంది. ఆమె ప్రో ఫుట్‌బాలర్‌గా అందరికీ తెలుసు. అంతేకాకుండా, ఓ టీవీ షోలో ఆమె సొంతగా ఓ కార్యక్రమం చేస్తోంది. అయితే, చైనాలో తన ల్యాప్ టాప్‌లో డ్రగ్స్ పట్టుకెళ్లిన ఆరోపణలు ఎదుర్కొంటున్నారు. ఆమెను చైనా పోలీసులు అరెస్టు చేశారు.

జులియానా ఇటీవల గాంగ్జూ వెళ్లింది. అక్కడ తన బౌటిక్ షాప్ కోసం కొన్ని వస్తువులు కొన్నది. ఆ సమయంలో తన కుటుంబ సభ్యులను మిస్ అయింది. ఆమె కోసం వాళ్లు ఆందోళన చెందారు.

అయితే, తీరా ఆ కుటుంబ సభ్యులకు తెలిసిందేమంటే.. ఆమెను పోలీసులు అరెస్టు చేశారని. నిషేధిత డ్రగ్స్ పెద్ద మొత్తంలో ఆమె వద్ద గుర్తించారని, అందుకే ఆమెను పోలీసులు అరెస్టు చేశారని వారికి తెలిసింది. అయితే, ఆమె వద్ద దొరికిన డ్రగ్స్ ఏమిటో స్పష్టంగా తెలియరాలేదు.

English summary

A 22 year old Colombian model is facing the death penalty after she was caught with a plastic bag full of drugs hidden inside her laptop.