ఐసిస్ షాకింగ్ వీడియో: బందీలను పేల్చేసిన బాలుడు
లండన్: కారులో బందీలుగా ఉన్న ముగ్గురు వ్యక్తులను ఓ నాలుగేళ్ల బ్రిటిష్ బాలుడు డిటోనేటర్తో పేల్చి చంపిన వీడియోను ఇస్లామిక్ స్టేట్ ఉగ్రవాదులు (ఐసిస్) తాజాగా విడుదల చేసింది. ఐసిస్ వస్త్రధారణలో చేతిలో డిటోనేటర్ పట్టుకొని బాలుడు కనిపించాడు.
అతడి పక్కనే నిల్చున్న ఓ ముష్కరుడు... బందీలుగా ఉన్న వ్యక్తులను గూఢచారులుగా తన సందేశంలో పేర్కొన్నాడు. తమ ముష్కర సోదరులను హతమార్చడానికి పాశ్చాత్య దేశాలకు వారు సాయం అందించారని ఆరోపించాడు.
అందుకు ప్రతీకారంగానే వారిని చంపేస్తున్నట్లు చెప్పాడు. ఐసిస్తో యుద్ధానికి సిద్ధం కావాలని బ్రిటన్ ప్రధాని డేవిడ్ కామెరాన్ను ఉద్దేశించి హెచ్చరిక జారీ చేశాడు. అనంతరం బాలుడు డిటోనేటర్తో కారును పేల్చివేశాడు. ఇస్లాంను స్వీకరించి, సిరియాకు వెళ్లిపోయిన గ్రేస్ డేర్ అనే బ్రిటన్ మహిళ కుమారుడు ఇసా డేర్గా సదరు బాలుణ్ని గుర్తించారు.