శునకాల మజాకా: యూట్యూబ్లో క్యూట్ వీడియో
జర్మనీ: యజమానిపై విశ్వాసాన్ని చాటుకోవడంలో శునకం నెంబర్ వన్ స్థానంలో ఉంటుంది. శునకం తరువాతే మరే పెంపుడు జంతువైనా తరువాతి స్థానంలో ఉంటుంది. అయితే యజమాని రుణం తీర్చుకునేందుకు ఆ శునకాలు ఇంటిపని చేస్తు అందరిని ఆశ్చర్యానికి గురి చేస్తున్నాయి.
జర్మనీకి చెందిన జాన్ అనే వ్యక్తి శునక జాతిలో అత్యంత ఖరీదైన, ఎంతో గుర్తింపు పొందిన అందమైన గోల్డెన్ రిట్రీవర్ కుక్కలను ముద్దుగా పెంచుకుంటున్నాడు. ఈ శునకాలు యజమానిపై విశ్వాసంగా ఉన్నాయి. జాన్ కుటుంబ సభ్యులు వాటిని ఇంటి కాపాలకే కాకుండ ఇంటి పనులు చెయ్యడం నేర్పించారు.
జాన్ షాపింగ్ నుంచి ఇంటికి వచ్చిన సందర్బంలో ఆశునకాలు కారు చుట్టు చేరి యజమాని తీసుకు వచ్చిన వస్తువులను జాగ్రతగా ఇంటిలోకి తీసుకు వెలుతున్నాయి. ఆ వీడియో క్లిప్పింగ్స్ ను జాన్ రికార్డు చేసి యూట్యూబ్ లో పోస్టు చేశారు. సుమారు లక్ష మందికి పైగా వ్యూవర్స్ ఆ వీడియోని చూశారు. మీ శునకాలు సూపర్ అంటూ కామెంట్లు పోస్ట్ చేస్తున్నారు.