దొంగతెలివి: తన వేళ్లను కొరుక్కు తిన్నాడు(వీడియో)
హ్యూస్టన్: పోలీసులను తప్పించుకునేందుకు ఓ దొంగ తన దొంగ తెలివిని ప్రదర్శించాడు. జైలు శిక్ష నుంచి తప్పించుకునే యత్నంలో తన వేళ్లను తానే కొరక్కు తిన్నాడు ఆ యువ దొంగ.
వివరాల్లోకి వెళితే.. ఫ్లోరిడాకు చెందిన కెంజో రాబర్ట్స్ (20) కొన్ని రోజుల క్రితం ఓ మెర్సిడస్ బెంజ్ కారును దొంగిలించాడు. అపహరించిన ఆ ఖరీదైన కారులో కొన్ని రోజులు దర్జాగా షికార్లు కొట్టాడు. అయితే ఆ కారు యజమాని ఇచ్చిన ఫిర్యాదు మేరకు అన్వేషణ ప్రారంభించిన పోలీసులు కెంజోను అరెస్టు చేశారు.
స్టేషన్కు తరలించేందుకు వ్యాన్లోకి ఎక్కించారు. వ్యాన్ వెనుక వరసలో కూర్చున కెంజో తన చేతి వేళ్లను చివరలను నమిలేయడం ప్రారంభించాడు. చర్మాన్ని పీకేసి మాంసాన్ని తినేశాడు. అయితే కేసు నుంచి తప్పించకోవడానిక కెంజో ఇంత ప్రయత్నం చేసినా.. అది బూడిదలో పోసిన పన్నీరే అయింది.
ఆ వ్యాన్లో అమర్చిన సీసీ కెమెరాలు దొంగ అతి తెలివితనాన్ని బయటపెట్టాయి. బాధను భరిస్తూ కెంజో చేసిన ఈ దుస్సాహసం అక్కడి పోలీసులను కూడా దిగ్భ్రాంతికి గురిచేసింది.