ఇది మామూలు కొంగ కాదు: పులులనే ఠారెత్తించింది(వీడియో)
బీజింగ్: అది మామూలు కొంగ కాదు. ఎందుకంటే ఏకంగా పులుతోనే ఆడుకుంది. తన ప్రాణాలను కాపాడుకునేందుకు ఆ కొంగ రెండు పులులపై దూసుకెళ్లింది. దీంతో ఆ పులులు వెనకడుగు వేయాల్సిన పరిస్థితి వచ్చింది. ఈ ఘటన చైనాలోని హంగ్జౌలోని ఫుయాంగ్ వైల్డ్లైఫ్ పార్కులో చోటు చేసుకుంది.
ఆ కొంగ అనుకోకుండా జూలోని పులుల ఎన్క్లోజర్లోకి దూరింది. అయితే పులులు చూస్తూ ఊరుకుంటాయా? దాని వెంట పడ్డాయి. దీంతో తన ప్రాణాలను కాపాడుకునేందుకు ఆ కొంగ కూడా ధైర్యంగా వాటిని ఎదిరించేసింది. రెక్కలు కొట్టుకుంటూ వాటిపైకి దూసుకెళ్లింది.
దీంతో ఆ పులులు వెనకంజ వేశాయి. కాగా, ఆశ్చర్యానికి గురైన జూ సందర్శకులు ఆ దృశ్యాలను వీడియోలు తీసుకున్నారు. ఆ కొంగ తనను తాను కాడుకునేందుకు పులులతోనే పోరాడే సాహసం చేసింది. కాగా, చివరకు జూ సిబ్బంది ఆ కొంగను పులుల ఎన్క్లోజర్ నుంచి బయటికి తీసుకెళ్లారు. కొంగకు చిన్నపాటి గాయాలయ్యాయని చెప్పారు.