రష్యన్ మీడియా సంచలనం: పుతిన్ రక్తంతో స్నానం చేస్తాడట!
తన లైంగిక సామర్థ్యాన్ని పెంచుకోవడానికే పుతిన్ దుప్పిల నుంచి తీసిన రక్తంతో స్నానం చేస్తారని పేర్కొంది
మాస్కో: రష్యాలో దుప్పి(రాయల్ స్టాగ్) రక్తానికి ఉన్న డిమాండ్ అంతా ఇంతా కాదు. 100డాలర్లు వెచ్చిస్తే గానీ 10మి.లీ దుప్పి రక్తం దొరకదంటే.. దాని డిమాండ్ ఎంతలా ఉందో అర్థం చేసుకోవచ్చు. దుప్పి రక్తంతో స్నానం చేయడం వల్ల శారీరక వ్యాధులు నయం అవుతాయన్న రష్యన్ల నమ్మకమే దీనికింత డిమాండ్ పెరిగేలా చేసింది.
ఇప్పుడిదంతా ఎందుకంటే!.. రష్యా అధ్యక్షుడు వ్లాదిమిర్ పుతిన్ సైతం దుప్పి రక్తంతోనే స్నానం చేస్తారని అక్కడి మీడియా సంచలన విషయాలు బయటపెట్టింది. తన లైంగిక సామర్థ్యాన్ని పెంచుకోవడానికే పుతిన్ దుప్పిల నుంచి తీసిన రక్తంతో స్నానం చేస్తారని పేర్కొంది. రష్యన్ కు చెందిన ఓ టెలివిజన్ చానెల్ ఈ వార్తలను ప్రసారం చేసింది.
పుతిన్ స్నానం కోసం ఏటా 70కిలోల దుప్పి కొమ్ములు సేకరించినట్లు మీడియా ఆరోపించింది. రష్యాలో దుప్పి రక్తం రూ.కోట్లలో బిజినెస్ చేస్తోందని తెలిపింది. కొంతమంది ఈ రక్తంతో స్నానం చేస్తే.. మరికొందరు ఈ రక్తాన్ని సేవిస్తుంటారని తెలియజేసింది.