నరేంద్ర మోడీని అవమానించేలా పాక్ నటి.. (వీడియో)

న్యూఢిల్లీ: సామాజిక అనుసంధాన వేదికలో ప్రధాని నరేంద్ర మోడీ పైన పాకిస్తాన్‌కు చెందిన ఓ టీవీ నటి చేసిన వ్యాఖ్యలకు సంబంధించిన వీడియో ఒకటి హల్‌చల్ చేస్తోంది. అందులో ఆ నటి ప్రధాని మోడీని అవమానించినట్లుగా, బెదిరించినట్లుగా ఉంది.

సదరు నటి పేరు ఖండీల్ బాలోచ్. ఆమె ఓ వీడియోను తన ఫేస్‌బుక్ అకౌంటులో పోస్ట్ చేసింది. ఆ వీడియోలో ఆమె.. ప్రధాని మోడీని 'డార్లింగ్' అంటూ పేర్కొన్నారు. అంతేకాదు, ఆ వీడియోలో ఆమె ప్రధాని మోడీని 'చాయ్‌వాలా' అని పేర్కొంది.

చాయ్‌వాలాగా చెప్పుకోవడాన్ని ప్రధాని నరేంద్ర మోడీ గర్వంగా భావిస్తుంటారు. డాక్టర్ బీఆర్ అంబేడ్కర్ రాసిన రాజ్యంగం వల్ల ఓ ఛాయ్‌వాలా ప్రధాని అయ్యారని చెబుతుంటారు. ఇది ఒక్క భారత దేశంలోనే సాధ్యమంటారు. సదరు పాకిస్తాన్ నటి మాత్రం చాయ్‌వాలా అంటూ కించపరిచే విధంగా మాట్లాడినట్లు తెలుస్తోంది.

అయితే, ఆమె చీప్ పబ్లిసిటీ కోసం ప్రధాని నరేంద్ర మోడీని ఉపయోగించుకొని ఉంటుందని భావిస్తున్నారు. ఈమెకు ఇలా రెచ్చగొట్టే తరహా పోస్టులు చేయడం అలవాటేనని అంటున్నారు.

గతంలో వివిధ అంశాలపై ఇలాంటి పోస్టులు పెట్టి ఆగ్రహానికి గురయిందట. కొద్ది రోజుల క్రితం ఆమె ఇంటర్వ్యూలో మాట్లాడుతూ... రాజకీయ నాయకుడిగా మారిన మాజీ క్రికెటర్ ఇమ్రాన్ ఖాన్‌కు ప్రపోజ్ చేసింది. అంతేకాదు, ఆయన ఒప్పుకుంటే ఆయన ఇంట్లో మెయిడ్‌గా ఉండేందుకు కూడా సిద్ధమని చెప్పింది.

English summary

A video on social media has gone viral in which a Pakistani TV actress could be seen insulting and threatening India's Prime Minister Narendra Modi.