ప్రపంచంలోనే అత్యంత వృద్ధ మహిళ మిసావో ఒకావా కన్నుమూత

టోక్యో: ప్రపంచంలోనే అత్యంత పెద్ద వృద్ధ మహిళ మిసావో ఒకావా కన్నుమూశారు. ఇటీవలే 117వ పుట్టినరోజు జరుపుకున్న ఆమె గుండే పనిచేయడం ఆగిపోయిన కారణంగా బుధవారం తెల్లవారు జామున చనిపోయారు.

ప్రపంచంలోనే అత్యంత ఎక్కువ కాలం జీవించిన మహిళగా గిన్నిస్ రికార్డులకెక్కిన మిసావో ఒకావో గుండె సంబంధిత వ్యాధితో మృతి చెందినట్లు డాక్టర్లు నిర్ధారించారు. ఆమె గత పదిరోజులుగా ఆకలి మరచిపోయిందని, కనీసం ద్రవ పదార్ధాలు కూడా తీసుకోలేదని ఆమె మనవడు తెలిపారు.

గత నెలలో ఆమె పుట్టినరోజు వేడుకలు జరుపుకున్న ఆమె ఆ తర్వాత తమను విడిచి వెళ్లడం బాధాకరమని అన్నారు. యూకియో అనే వ్యక్తిని 1919లో పెళ్లాడిన ఒకావాకు ముగ్గురు అబ్బాయిలు, ఇద్దరు అమ్మాయిలు.

భర్త యూకియో 1931లో చనిపోయాడు. ఆమెకు మనవళ్లు, మునిమనవళ్లు కూడా ఉన్నారు. మాసావో 1898 మార్చి 5న జన్మించారు. 2013లో గిన్నిస్‌ సంస్థ ఆమె ప్రపంచంలోనే అత్యంత వృద్ధురాలిగా గుర్తించింది.

English summary

Misao Okawa was surrounded by her family and staff at her nursing home in Osaka, Japan, as she died of heart failure on April 1.