న్యూజిలాండ్ పర్యటనలో ఈ ఘనత
న్యూజిలాండ్ పర్యటన సందర్భంగా మూడో వన్డేలో డివిలియర్స్ ఈ రికార్డును నెలకొల్పాడు. ఈ మ్యాచ్లో 5 పరుగుల వ్యక్తిగత స్కోరు వద్ద ప్టెన్ డివిలియర్స్ తొమ్మిది వేల వన్డే పరుగులు పూర్తి చేసుకుని గంగూలీ రికార్డును అధిగమించాడు.
87 పరుగుల దూరంలో
న్యూజిలాండ్ పర్యటనకు రాకముందు ఈ అరుదైన ఘనతకు కేవలం 87 పరుగుల దూరంలో ఉన్న డివిలియర్స్ తొలి రెండు వన్డేల్లో వరుసగా 37 పరుగులు నాటౌట్, 45 పరుగులు చేశాడు. తొమ్మిది వేల పరుగుల మైలురాయికి అవసరమైన ఐదు పరుగులను ఈ వన్డేలో సాధించాడు.
జాక్వస్ కలిస్ పేరిట ఉన్న రికార్డుని సవరించాడు
వన్డేల్లో దక్షిణాఫ్రికా కెప్టెన్ ఏబీ డివిలియర్స్ తన పేరిట ఎన్నో రికార్డులను సృష్టించాడు. దక్షిణాఫ్రికా జట్టు నుంచి గతంలో జాక్వస్ కలిస్ (242 ఇన్నింగ్స్లు) పేరిట ఉన్న రికార్డును డివిలియర్స్ (205 ఇన్నింగ్స్ లు) సవరించాడు.
ద్రవిడ్ రికార్డును అందుకోలేని డివిలియర్స్
మరోవైపు గంగూలీ రికార్డును అధిగమించిన డివిలియర్స్, 'ద వాల్' రాహుల్ ద్రవిడ్ రికార్డును మాత్రం అందుకోలేకపోయాడు. వన్డేలు ఆడటం ప్రారంభించిన తర్వాత 9 ఏళ్ల 322 రోజుల్లో రాహుల్ ద్రవిడ్ 9000 పరుగులను సాధించాడు. కానీ, డివిలియర్స్కు ఈ ఘనత సాధించడానికి 12 ఏళ్ల 23 రోజులు పట్టింది.