భారత్‌కు అనుకూలం: కష్టాలు తప్పవంటున్న పాంటింగ్

ఆస్ట్రేలియా నెగ్గుకు రావడం కష్టమే

'భారత పర్యటనలో ఆస్ట్రేలియా నెగ్గుకు రావడం కష్టమే. భారత పర్యటనకు వెళ్లే ఏ జట్టుకైనా కష్టాలు తప్పవు. ఈ మధ్య కాలంలో ఇదే మనకు కనబడుతోంది. అదే పరిస్థితి మాకు కూడా ఎదురవుతుంది. గత కొంతకాలంగా అక్కడ వికెట్లు భారత జట్టుకు చాలా అనుకూలంగా ఉంటున్నాయి' అని పాంటింగ్ అన్నాడు.

చాలాసార్లు భారత్ పర్యటనకు వెళ్లా

'నేను చాలాసార్లు భారత్ పర్యటనకు వెళ్లా. ఉప ఖండంలో ఆడేటప్పుడు చాలా క్లిష్ట పరిస్థితిని మేము ఎదుర్కొంటునే ఉన్నాం. తొలి రెండు రోజులు పరిస్థితి ఒక రకంగా ఉంటే, ఆ తదుపరి వికెట్ మరింత టర్న్ అవుతూ ఉంటుంది. ఈ పరిస్థితుల్ని ఎదుర్కొని మా ఆటగాళ్లు ఎలా నిలబడతారనేది వేచి చూడక తప్పదు' అని పాంటింగ్ తెలిపాడు.

2004 తర్వాత సిరిస్‌‌ను గెలవని ఆస్ట్రేలియా

2004 తర్వాత భారత్‌లో ఆస్ట్రేలియా ఒక్క టెస్టు మ్యాచ్ సిరిస్‌ను కూడా గెలుచుకోలేదు. అప్పటి భారత పర్యటనలో ఆస్ట్రేలియా జట్టుకు రికీ పాంటింగ్ కెప్టెన్‌గా ఉన్నాడు. ఈ సిరిస్‌లో భారత్ చేతిలో ఆసిస్ 2-1తో ఓటమి పాలైంది. పాంటింగ్ గాయం పాలవంతో నాలుగు టెస్టు మ్యాచ్‌ల సిరిస్‌లో తొలి మూడు టెస్టులకు ఆడమ్ గిల్‌క్రిస్ట్ కెప్టెన్‌గా వ్వవహరించాడు.

నాలుగో టెస్టు మార్చి 25న ధర్మశాలలో

నాలుగు టెస్టు మ్యాచ్ సిరిస్‌లో తొలి టెస్టు పూణెలో జరుగుతుండగా, చివరిదైనా నాలుగో టెస్టు మార్చి 25న ధర్మశాలలో జరగనుంది. ఇక ఆస్ట్రేలియా తరుపున రికీ పాంటింగ్ 168 టెస్టు మ్యాచ్‌లాడి 13,378 పరుగులు చేశాడు. ఇందులో 41 సెంచరీలు ఉండటం విశేషం.