కల నెరవేరింది
'పరుగుల ఖాతా తెరువకుండానే ఔటయ్యే సందర్భం నుంచి బయటపడి సెంచరీ సాధించడం కలగా భావిస్తున్నా. గురువారం ఉదయం నాకు ఒక కల వచ్చింది. నేను నడుచుకుంటూ వెళ్తుంటే ఈ మ్యాచ్లో సెంచరీ సాధిస్తావని నాతో ఎవరో చెప్పినట్టు అనిపించింది. ఒక్కసారిగా ఆగి.. అయ్యో టీమ్ బస్ మిస్సయ్యానే అనుకుంటున్నాను' అని తెలిపాడు.
అరంగేట్రం మ్యాచ్లో సెంచరీ సాధించాను
'ఇంతలో హఠాత్తుగా మెలకువ వచ్చింది. వెంటనే బెడ్ మీద నుంచి లేచి టైమ్ చూసుకుంటే ఉదయం 5 గంటలైంది. దీంతో కాస్త కుదుటపడ్డాను. ఈరోజు నా కల నిజమైంది. కలగన్నట్టుగానే అరంగేట్రం మ్యాచ్లో సెంచరీ సాధించాను' అని ఎంతో సంతోషంగా జెన్నింగ్స్ తెలిపాడు.
నిజానికి తొలి మ్యాచ్లో డకౌట్ కావాలి
అరంగేట్రం చేసిన తొలి టెస్టులోనే సెంచరీ చేసిన జెన్నింగ్స్ నిజానికి తొలి మ్యాచ్లోనే డకౌట్ కావాల్సింది. ఖాతా తెరవకముందే అతను ఉమేశ్ యాదవ్ బౌలింగ్లో ఇచ్చిన క్యాచ్ని కరుణ్ నాయర్ ఎడమవైపు దూకుతూ బంతిని అడ్డుకున్నాడు ఈ క్రమంలో దానిని క్యాచ్ రూపంలో ఒడిసి పట్టలేకపోయాడు.
నలుగురు దక్షిణాఫ్రికాలోనే పుట్టినవారే
ఇంగ్లాండ్ తరఫున తొలి టెస్టులోనే సెంచరీ చేసిన గత ఐదుగురు ఆటగాళ్లలో నలుగురు దక్షిణాఫ్రికాలోనే పుట్టినవారే కావడం విశేషం. అందుకే కీటన్ సెంచరీ తర్వాత ‘మా వ్యవస్థ నుంచి చేజారిపోయిన మరో ప్రతిభావంతుడు' అని దక్షిణాఫ్రికా మాజీ క్రికెటర్ కల్లిస్ కొనియాడాడు. దక్షిణాఫ్రికాలోని జొహన్నెస్బర్గ్లో పుట్టిన కీటన్, ప్రముఖ కోచ్ రే జెన్నింగ్స్ చిన్న కుమారుడు.
చిన్న కొడుకుని బ్యాట్స్మన్గా తీర్చిదిద్దిన రే జెన్నింగ్స్
తనలాగే పెద్ద కొడుకు డైలాన్ కూడా వికెట్ కీపింగ్నే ఇష్టపడటంతో చిన్నవాడిని మాత్రం కీపింగ్కు దూరంగా బ్యాట్స్మన్గా రే జెన్నింగ్స్ తీర్చిదిద్దారు. వేర్వేరు వయో విభాగాల్లో రాణించి గుర్తింపు తెచ్చుకున్న కీటన్, 2011లో ఇంగ్లండ్తో జరిగిన ఏడు వన్డేల సిరీస్లో దక్షిణాఫ్రికా అండర్-19 జట్టుకు కెప్టెన్గా వ్యవహరించాడు.
ఇంగ్లాండ్కు వలస
జెన్నింగ్స్ తల్లి ఇంగ్లాండ్ యువతి కావడంతో అతడు ఇంగ్లాండ్కు వలసవెళ్లాడు. డర్హమ్ కౌంటీ తరఫున నిలకడగా రాణించిన కీటన్, 2016లో 7 సెంచరీలు సహా 1548 పరుగులు చేసి ఇంగ్లాండ్ జట్టు సెలక్టర్ల దృష్టిని ఆకర్షించాడు. నిబంధనల ప్రకారం నాలుగేళ్లు పూర్తి చేసుకొని ఇంగ్లాండ్ జట్టు తరఫున ఎంపికయ్యేందుకు అర్హత సాధించాడు.