కోహ్లీ పగలబడి నవ్వాడు: క్లారిటీ ఇచ్చిన రవీంద్ర జడేజా

రాజ్‌పుత్ అని పిలిచాడు

ఈ ఫోటోకు ముందు కోహ్లీ నన్ను రాజ్‌పుత్‌ అని పిలిచాడని, ఇది నన్ను అతను ముద్దుగా పిలిచే పేరని జడేజా పేర్కొన్నాడు. అయితే కోహ్లీ ఇలా పిలిస్తే గర్వంగా ఉంటందని జడ్డూ తెలిపాడు. మేమిద్దరం అన్నదమ్ములమని, మా మధ్య రిలేషన్‌షిప్‌లో భాగాంగానే కోహ్లీ అలా నవ్వాడని జడేజా వ్యాఖ్యానించాడు.

కోహ్లి నాకు రాజ్‌పుత్‌ అని ముద్దుపేరు పెట్టాడు

‘ఆర్‌సీబీతో మ్యాచ్‌కు ముందు విరాట్‌ నా దగ్గరికి వచ్చి ‘రాజ్‌పుత్‌' అని పిలిచాడు. ఆ సమయంలో విరాట్‌ నావైపు చూస్తూ నవ్వుతుండగా అనుకోకుండా ఆ ఫొటో తీశారు. కోహ్లి నాకు రాజ్‌పుత్‌ అని ముద్దుపేరు పెట్టాడు. అలా పిలిచినప్పుడల్లా నాకెంతో గర్వంగా ఉంటుంది. మేమిద్దరం సోదరులాంటివాళ్లం. మా మధ్య ఉన్న రిలేషన్‌షిప్‌లో భాగంగానే సరదా సంభాషణ ఒక భాగం' అని జడేజా అన్నాడు.

బ్రేక్‌ ది బియర్డ్‌ ఛాలెంజ్‌పై

ఇక బ్రేక్‌ ది బియర్డ్‌ ఛాలెంజ్ విసరడానికి గల కారణాన్ని కూడా రవీంద్ర జడేజా వెల్లడించాడు. భారత ఆటగాళ్లందరూ డ్రెస్సింగ్‌ రూంలో ఒకేలా గడ్డాలు పెంచుకోవడంతో కొత్తగా ఉండాలని అలా చేశానని చెప్పుకొచ్చాడు. ఒక రోజు భారత జట్టు కోచ్‌ అనిల్‌ కుంబ్లేతో నడుస్తున్నప్పుడు అతను నన్ను కేఎల్‌ రాహుల్‌లా భావించి కన్నడంలో మాట్లడటం మొదలు పెట్టడాని తెలిపాడు.

గడ్డాలపై అందరూ అయోమయం

దీంతో ఈ గడ్డాలు అందరినీ అయోమయానికి గురి చేస్తున్నాయని అందుకే ఈ చాలేంజ్‌ విసిరానని రవీంద్ర జడేజా చెప్పుకొచ్చాడు. జడేజా విసిరిన ఈ ఛాలెంజ్‌ని టీమిండియా క్రికెటర్లు రోహిత్‌ శర్మ, హార్దిక్‌ పాండ్యా, రహానేలు అనుసరించగా, కోహ్లీ మాత్రం స్వీకరించలేదు