హైదరాబాద్: ఐపీఎల్ పదో సీజన్ కోసం నిర్వహించిన వేలంలో అత్యధిక ధర పలికిన ఆటగాడిగా బెన్ స్టోక్స్ నిలిచాడు. రైజింగ్ పూణె సూపర్ జెయింట్ ప్రాంఛైజీ రూ.14.5 కోట్లతో స్టోక్స్ను సొంతం చేసుకుంది. అయితే ఈ సీజన్ ప్రారంభానికి ముందు పూణె ప్రాంఛైజీ ధోనిని కెప్టెన్సీ నుంచి తప్పించి అతడి స్ధానంలో స్టీవ్ స్మిత్ను ఎంపిక చేసింది.
ఈ క్రమంలో ధోని అభిమానులు ధోనిని హీరోగా స్మిత్ను విలన్గా చూశారు. అయితే ఇప్పుడు ఇదే మాటని బెన్ స్టోక్స్ కూడా చెప్పడం విశేషం. అయితే ఇది అతడు సీరియస్గా అన్న విషయం కాదు. డ్రస్సింగ్ రూమ్లో ఆటగాళ్ల కోసం నిర్వహించిన సరదాగా నిర్వహించిన ఓ క్విజ్లో స్టోక్స్ ఇలా జవాబిచ్చాడు.
వరుసగా రెండు మ్యాచుల్లో విజయాల తర్వాత మంచి మూడ్లో ఉన్న ఆ జట్టు ప్లేయర్స్ ఓ క్విజ్లో భాగంగా ప్రశ్నలకు సమాధానాలు ఇచ్చారు. ఈ క్విజ్లో బెన్ స్టోక్స్ తో పాటు ధోనీ, రహానె కూడా పాల్గొన్నారు. ఇందులో భాగంగా కొన్ని చిలిపి ప్రశ్నలకు క్రికెటర్లు కూడా అంతే చిలిపిగా బదులిచ్చారు.
కొన్ని ప్రశ్నలు మీకోసం:
ప్లేటులో బిర్యాని పెట్టుకుని టేబుల్పై పెట్టి స్నానానికి వెళ్లి వచ్చేసరికి లేకపోతే... ఎవర్ని అనుమానిస్తారు?
ధోనీ: అశోక్ దిండా. ఎందుకంటే అతనికి బిర్యాని అంటే ఇష్టం.
స్టోక్స్: ఆస్టేలియన్ డానియల్ క్రిస్టియన్
రహానె: ఇంకెవ్వరు అశోక్ దిండానే
ఒక మిలియన్ డాలర్ల నగదు అందితే ఎవరితో కలిసి పంచుకుంటారు?
ధోని: ఇతరులతో ఎందుకు షేర్ చేసుకోవాలి? షేరింగ్ తప్పనిసరి అయితే అశోక్ దిండాతో కలిసి పంచుకుంటా అని ధోనీ సమాధానమచ్చాడు.
స్టోక్స్: ఎవ్వరితోనూ పంచుకోను. నాతోనే ఉంచుకుంటాను
రహానె: అందరితో కలిసి పంచుకుంటాను.
జట్టులోని ఇద్దరు ఆటగాళ్లను బాలీవుడ్ హీరో, విలన్తో పోల్చాల్సి వస్తే..?
ధోనీ: సమాధానం లేదు
స్టోక్స్: హీరో-ధోనీ, విలన్-స్టీవ్ స్మిత్
రహానె: సమాధానం లేదు.
Who would #msdhoni trust with a secret #RPSvSRH #ipl #IPL2017 #RPS #RPSvsSRH @msdhoni pic.twitter.com/v18YSS7hYU
— Gulf Oil India (@GulfOilIndia) 22 April 2017