ఒక ఓవర్లో 23 పరుగులు రాబట్టిన ధోని
ఆఫ్ స్పిన్నర్ సాహిల్ గుప్తా వేసిన ఓవర్లో 2 ఫోర్లు, 2 సిక్సర్లతో ధోని 23 పరుగులు రాబట్టడం విశేషం. 95 పరుగుల వ్యక్తిగత స్కోరు వద్ద షార్ట్ ఎక్స్ట్రా కవర్లో కైఫ్ క్యాచ్ వదిలేయడంతో బతికిపోయిన కెప్టెన్ ఆ వెంటనే లిస్ట్ ‘ఎ' క్రికెట్లో 17వ సెంచరీ పూర్తి చేసుకున్నాడు.
ఇన్నింగ్స్లో చివరి బంతికి ధోని అవుట్
ఇన్నింగ్స్లో చివరి బంతికి ధోని అవుటయ్యాడు. దీంతో నిర్ణీత 50 ఓవర్లలో 9 వికెట్ల నష్టానికి 243 పరుగులు చేసింది. దేశవాళీ వన్డేల్లో 2004లో బీహార్ తరఫున శతకం సాధించిన ధోని జార్ఖండ్ తరఫున సెంచరీ చేయడం ఇదే తొలిసారి.
ఛత్తీస్గఢ్ 38.4 ఓవర్లలో 165 పరుగులకే ఆలౌట్
అనంతరం బ్యాటింగ్కు దిగిన ఛత్తీస్గఢ్ 38.4 ఓవర్లలో 165 పరుగులకే ఆలౌటైంది. జార్ఖండ్ బౌలర్లలో వరుణ్ ఆరోన్ (3/26), నదీమ్ (3/36) చెలరేగారు. జార్ఖండ్ 78 పరుగుల తేడాతో ఛత్తీస్గఢ్పై విజయం సాధించింది.
జార్ఖండ్ జట్టుకు ధోని కెప్టెన్గా తొలిసారి
విజయ్ హాజారే ట్రోఫీలో జార్ఖండ్ జట్టుకు తొలిసారిగా ధోని కెప్టెన్గా వ్యవహరిస్తున్నాడు. ఏప్రిల్ 5 నుంచి ఐపీఎల్ ఆరంభం కానున్న నేపథ్యంలో ప్రాక్టీస్గా కూడా ఉపయోగపడుతుందని ధోని ఈ టోర్నీ ఆడుతున్నాడు.