హైదరాబాద్: క్రికెట్ లెజెండ్ సచిన్ టెండూల్కర్ జీవిత చరిత్ర ఆధారంగా రూపొందించిన 'సచిన్: ఎ బిలియన్ డ్రీమ్స్' అనే చిత్రం ట్రైలర్ని గురవారం విడుదల చేశారు. మే 26వ తేదీన ఈ చిత్రం అభిమానుల మందుకు రానుంది. తాజాగా విడుదలైన ఈ చిత్రం ట్రైలర్లో సచిన్కి సంబంధించిన అన్ని అంశాలు చూపించారు.
సచిన్ జీవిత చరిత్ర ఆధారంగా రూపొందించిన ఈ సినిమాకు జేమ్స్ ఎర్స్కైన్ దర్శకత్వం వహించారు. రవి భగ్చంద్కా, కార్నివాల్ మోషన్ పిక్చర్స్ సంయుక్తంగా నిర్మించారు. ఆస్కార్ విన్నర్ ఏఆర్ రెహమాన్ ఈ సినిమాకు మ్యూజిక్ అందించాడు. క్రికెటర్లు అజహరుద్దీన్, ధోనిల ఆటో బయోగ్రఫీలపై తెరకెక్కిన సినిమాలు హిట్ అవడంతో సచిన్ సినిమా హిట్ అవుతుందని అంటున్నారు.