నిరీక్షణ ముగిసింది: ఏడాది తర్వాత జట్టులోకి స్టెయిన్

హైదరాబాద్: దాదాపు ఏడాది కాలంగా క్రికెట్‌కు దూరంగా ఉన్న దక్షిణాఫ్రికా పేసర్ డేల్ స్టెయిన్ పునరాగమనం చేసేందుకు సిద్ధమయ్యాడు. భుజం గాయంతో జట్టు నుంచి వైదొలిగిన స్టెయిన్‌ గత నవంబర్‌ 2016లో ఆస్ట్రేలియాతో జరిగిన మ్యాచ్‌లో చివరిసారిగా ఆడాడు.

ఆ తర్వాత అతని భుజానికి శస్త్ర చికిత్స జరిగింది. ఆర్నెల్ల విశ్రాంతి అనంతరం తిరిగి ఆడొచ్చని భావించాడు. అయితే ఏడాది పాటు ఆటకు దూరం కావల్సి వచ్చింది. తాజాగా సుదీర్ఘ విశ్రాంతి అనంతరం తిరిగి బరిలోకి వచ్చేందుకు స్టెయిన్ ఉవ్విళ్లూరుతున్నాడు.

ఈ మేరకు తన ఇనిస్టాగ్రామ్ ఖాతాలో పునరాగమనానికి సంబంధించి 'ఇక నిరీక్షణ ముగిసింది' అంటూ ఓ పోస్ట్ పెట్టాడు. త్వరలో బంగ్లాదేశ్ తో జరిగే టెస్టులకు స్టెయిన్ అందుబాటులోకి వచ్చే అవకాశం ఉంది. 2004లో టెస్టు క్రికెట్‌లోకి అడుగు పెట్టిన స్టెయిన్ ఇప్పటి వరకు 417 వికెట్లు తీశాడు.

The wait is over. 👊🏼

A post shared by 🔘 (@dalesteyn) on Aug 17, 2017 at 2:34am PDT

కాగా, ఇటీవలే ఇంగ్లండ్‌తో జరిగిన నాలుగు టెస్టుల సిరీస్‌ను 3-1తో దక్షిణాఫ్రికా కోల్పోయిన సంగతి తెలిసిందే. ప్రధాన పేసర్ డేల్ స్టెయిన్ దూరం కావడంతో పాటు, మరో ఇద్దరు పేసర్లు ఫిలిండర్, క్రిస్ మోరిస్‌లను గాయాలు వేధిస్తున్నాయి. దీంతో ఇంగ్లండ్ చేతిలో దక్షిణాఫ్రికా ఓటమిపాలైంది.