హైదరాబాద్: దక్షిణాఫ్రికా చారిత్రాత్మక వన్డే రికార్డుకి ఆతిథ్య న్యూజిలాండ్ బ్రేక్ వేసింది. ఇటీవలే న్యూజిలాండ్తో జరిగిన ఏకైక టి20 మ్యాచ్లో గెలిచిన దక్షిణాఫ్రికా, ఆపై ఐదు వన్డేల సిరీస్లో భాగంగా హామిల్టన్లో జరిగిన తొలి వన్డేలో విజయం సాధించింది. తద్వారా దక్షిణాఫ్రికా వన్డేల్లో అత్యధికంగా వరుసగా 12 విజయాలు సాధించిన రెండో జట్టుగా నిలిచింది.
South Africa can't stop winning in ODIs! #NZvSA #Howzstat pic.twitter.com/PNOCnqk7ps
— ICC (@ICC) 20 February 2017
ఇప్పటివరకూ వన్డేల్లో వరుసగా 12 విజయాలు సాధించి పాక్తో సమానంగా రెండో స్ధానంలో నిలిచిన దక్షిణాఫ్రికా మరో విజయాన్ని సాధిస్తే 13 మ్యాచ్లతో ఈ జాబితాలో రెండో స్ధానంలో ఉండేది. పాకిస్థాన్ మూడో స్ధానానికి పరిమితమయ్యేది. ఈ జాబితాలో 21 వరుస వన్డే విజయాలతో ఆస్ట్రేలియా మొదటి స్ధానంలో ఉంది.
దక్షిణాఫ్రికాతో జరిగిన రెండో వన్డేలో తొలుత బ్యాటింగ్ చేసిన న్యూజిలాండ్ 4 వికెట్లను కోల్పోయి నిర్ణీత 50 ఓవర్లలో 289 పరుగులు చేసింది. న్యూజిలాండ్ ఆటగాళ్లలో రాస్ టేలర్ సెంచరీతో చెలరేగాడు. అనంతరం బ్యాటింగ్కు దిగిన దక్షిణాఫ్రికా 283 పరుగులకే ఆలౌటైంది. దీంతో ఐదు వన్డేల సిరీస్ 1-1తో సమం అయింది.
Ross Taylor's record-breaking century proves to be just enough as New Zealand level the series to win the 2nd #NZvSA ODI by 6 runs pic.twitter.com/jW1uX9zEsc
— ICC (@ICC) 22 February 2017
వన్డేల్లో అత్యధిక వరుస విజయాలు సాధించిన జట్లు:
2002-03 సీజన్లో ఆస్ట్రేలియా 21 వరుస వన్డే విజయాలు
2004-05 సీజన్లో దక్షిణాఫ్రికా 12 వరుస వన్డే విజయాలు
2007-08 సీజన్లో పాకిస్తాన్ 12 వరుస వన్డే విజయాలు
2016-17 సీజన్లో దక్షిణాఫ్రికా 12 వన్డే విజయాలు