క్రికెట్ థీమ్తో రూపొందించిన పెళ్లికార్డులు
యువీ, హాజెల్ కార్టూన్లతో పాటు క్రికెట్ థీమ్తో రూపొందించిన పెళ్లికార్డులు ఎంతగానో ఆకట్టుకుంటున్నాయి. దీనికి, యువరాజ్ హాజెల్ ప్రీమియర్ లీగ్' (వైహెచ్పీఎల్) అనే టైటిల్ని యువీ పెట్టడం విశేషం. ఈ పెళ్లి శుభలేఖను ప్రముఖ డిజైనర్లు సండీ, కపిల్ ఖురానాలు రూపొందించారు.
తొలుత చండీఘడ్లోని గురుద్వారాలో
వీరి వివాహం తొలుత చండీఘడ్లోని గురుద్వారాలో సిక్కు సంప్రదాయం ప్రకారం నవంబర్ 30వ తేదీన, డిసెంబర్ 2న గోవాలో హిందూ సంప్రదాయం ప్రకారం మరోసారి యువీ పెళ్లి వేడులకు నిర్వహించనున్నట్టు సమాచారం. వివాహానికి ముందు యువీ ఫామ్హౌజ్లో సంగీత్ కార్యక్రమాన్ని నిర్వహించనున్నారు.
డిసెంబర్ 7న గ్రాండ్గా రిసెప్షన్
ఇక వివాహం అనంతరం ఓ ఢిల్లీలోని హోటల్లో డిసెంబర్ 7న గ్రాండ్గా రిసెప్షన్ నిర్వహించనున్నారు. ఈ నాలుగు వేడుకలకు ఒక్కో డిజైన్లో ఒక్కో పత్రికను రూపొందించి వైహెచ్పీఎల్ పేరిట అతిథులకు అందించనున్నారు. కాగా, గోవాలో జరిగే వివాహానికి హాజెల్, యువీలకు సంబంధించి ఫన్నీ కార్టూన్స్తో కార్డు డిజైన్ చేయబోతున్నారు.
హాజెల్ కీచ్ బ్రిటిషర్ అయినా తల్లి హిందువు
గురుద్వారాలో జరిగే వివాహానికి మాత్రం తెలుపు, బంగారపు వర్ణంతో డిజైన్ చేశారు. కాగా, యువరాజ్ సింగ్కు కాబోయే భార్య హాజెల్ కీచ్ బ్రిటిషర్ అయినప్పటికీ తల్లి హిందువు కావడంతో మరోసారి హిందువుల సంప్రదాయంలోనూ వీరి వివాహం నిర్వహిస్తున్నారు.