టాప్ లేపిన గుజరాత్: ముంబాపై అలవోక విజయం

Posted By:
Subscribe to Oneindia Telugu

హైదరాబాద్: ప్రొ కబడ్డీ లీగ్‌ ఐదో సీజన్‌లో అరంగేట్రం చేసిన కొత్త జట్టు గుజరాత్ ఫార్చ్యూన్‌ జెయింట్స్ అద్భుత ప్రదర్శన చేస్తోంది. శుక్రవారం సొంతగడ్డపై జరిగిన పోరులో గుజరాత్‌ 39-21తో యూ ముంబాను చిత్తుగా ఓడించింది. ఈ విజయంలో కెప్టెన్ సుఖేష్‌ హెగ్డే, రోహిత్‌ గుల్లా, సచిన్‌లు కీలకపాత్ర పోషించారు.

జోన్‌-ఎ పోరులో గుజరాత్‌కిది రెండో విజయం కాగా పటిష్టమైన యు ముంబాకిది రెండో ఓటమి కావడం విశేషం. డిఫెన్స్‌లో ఘోరంగా విఫలమైన ముంబా ఏ దశలోనూ గుజరాత్‌కు పోటీ ఇవ్వలేకపోయింది. ఆరంభం నుంచే గుజరాత్ ఆటగాళ్లు చెలరేగిపోయారు. రెండో నిమిషంలోనే 2-0తో గుజరాత్ ఆధిక్యంలోకి దూసుకెళ్లింది.

Gujarat Fortunegiants humble U Mumba 39-21 in Ahmedabad opener

ఆ తర్వాత 6-0తో ఆధిక్యంలో ఉన్న దశలో రైడ్‌కు వెళ్లిన సచిన్‌ రెండు పాయింట్లు తీసుకొచ్చాడు. ఆ వెంటనే ముంబై రైడర్‌ను పట్టేసిన గుజరాత్‌ ప్రత్యర్థిని ఆరో నిమిషంలోనే ఆలౌట్‌ చేసి 9-1తో ఆధిక్యంలో నిలిచింది. ముంబా కెప్టెన్‌ అనూప్‌ కుమార్‌ వైఫల్యం కూడా ఫలితంపై ప్రభావం చూపింది.

Pro Kabaddi League 2017 : Bengaluru Bulls vs Telugu Titans Stunning Tie match

రోహిత్‌, సచిన్‌ రైడింగ్‌లో రాణించడంతో తొలి అర్ధభాగం ముగిసేసరికి గుజరాత్‌ 20-6తో స్పష్టమైన ఆధిక్యం సాధించింది. ఇక రెండో అర్ధభాగంలో ముంబా కూడా గట్టిగానే పోరాడినప్పటికీ, అప్పటికే తిరుగులేని ఆధిక్యం సాధించిన గుజరాత్‌ను ఓడించడం ముంబా ఆటగాళ్లకు సాధ్యం కాలేదు.

Gujarat Fortunegiants humble U Mumba 39-21 in Ahmedabad opener

రోహిత్‌ (9), సచిన్‌ (8), అబోజర్‌ మిగాని (5) గుజరాత్‌ విజయంలో కీలకపాత్ర పోషించారు. రైడ్‌ల ద్వారా 19 పాయింట్లు గెలిచిన గుజరాత్‌ 13 ట్యాకిల్‌ పాయింట్లు సొంతం చేసుకుంది. ముంబా డిఫెన్స్‌లో 5 పాయింట్లు సాధించింది. ఈ విజయంతో గుజరాత్‌ (13) జోన్‌-ఎలో పుణెరి పల్టన్‌ (11)ను వెనక్కినెట్టి అగ్రస్థానంలో నిలిచింది.

సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!

English summary
In their first match at home, Gujarat Fortunegianst were clinical against U Mumba to thump the visitors 39-21 in Ahmedabad. Starting the contest perfectly, Gujarat took a 6-0 lead and later continued the dominance till the end of first half. They took a 14-point lead as the score read 20-6 at the stroke of half-time.
Please Wait while comments are loading...