ఐసీసీ వరల్డ్ కప్ ఫైనల్ వేదికలు: అద్భుతమైన ఏడు

న్యూఢిల్లీ: 11వ ఐసీసీ వరల్డ్ కప్ ఫిబ్రవరి 14న ప్రారంభం కానున్న సందర్భంలో గత వరల్డ్ కప్‌కి సంబంధించిన కొన్ని ఆసక్తికర విషయాలను వన్ఇండియా పాఠకులకు ప్రత్యేకంగా అందిస్తున్న విషయం తెలిసిందే.

వరల్డ్ కప్ ఫైనల్ మ్యాచ్‌కి ఉన్న క్రేజే వేరు. ఇక వరల్డ్ కప్ ఫైనల్‌ మ్యా్చ్‌కి ఆతిథ్యం ఇస్తున్న గ్రౌండ్‌ అంటే అందరి కళ్లు ఆ గ్రాండ్ పైనే ఉంటాయి. 10 ఎడిషన్లు జరిగిన వరల్డ్ కప్ టోర్నమెంట్లో ఏడు గ్రౌండ్లు వరల్డ్ కప్ ఫైనల్‌కు ఆతిథ్యం ఇచ్చాయి.

క్రికెట్ మక్కాగా భావించే లార్డ్స్ మైదానం అత్యధికంగా 4 సార్లు వరల్డ్ కప్ ఫైనల్‌కు ఆతిథ్యం ఇచ్చింది. ఈ ఏడాది మార్చి 29న జరగనున్న వరల్డ్ కప్ ఫైనల్‌కు ఆతిథ్యం ఇస్తున్న మెల్ బోర్న్ క్రికెట్ గ్రౌండ్ రెండో సారి ఆతిథ్యం ఇస్తున్న గ్రౌండ్ జాబితాలోకి చేరింది. ఈ గ్రౌండ్ కెపాసిటీ లక్ష మంది.

ఫిబ్రవరి 14న జరగనున్న ఐసీసీ వరల్డ్ కప్ 2015ను ఆస్టేలియా, న్యూజిలాండ్ సంయుక్తంగా నిర్వహిస్తున్నాయి. టోర్నమెంట్లో మొత్తం 14 జట్లు పాల్గొంటున్నాయి. టోర్నమెంట్ మొత్తం 49 రోజులు జరగనుంది.