సింధు మెరుగైన ప్రదర్శన
సెమీస్కు చేరాలంటే తప్పక నెగ్గాల్సిన మ్యాచ్లో తీవ్ర ఒత్తిడితో బరిలోకి దిగిన సింధు మెరుగైన ప్రదర్శన కనబర్చింది. తొలి గేమ్ ఆరంభం నుంచే ఒక్కో పాయింట్ కోసం సింధు, మారిన్ హోరాహోరీగా తలపడ్డారు. మారిన్ వరుసగా నాలుగు పాయింట్లు గెలిచి 7-3తో ఆధిక్యంలోకి వెళ్లింది. దీటుగా బదులిచ్చిన భారత షట్లర్ వెంటనే 7-7తో స్కోరు సమం చేసింది. ఆ తర్వాత 11-10తో తొలి అర్ధ భాగాన్ని ముగించింది. బ్రేక్ తర్వాత కూడా ఆట నువ్వా-నేనా అన్నట్టు సాగడంతో ఆధిక్యం మారుతూ వచ్చింది.
గాయం కారణంగా కోర్టులో కదల్లేని మారిన్
ఒక్క సారిగా గేర్ మార్చిన సింధు పదునైన స్మాష్లతో నాలుగు పాయింట్లు గెలిచి మారిన్పై 16-12తో ముందంజ వేసింది. గాయం కారణంగా మారిన్ కోర్టులో చురుగ్గా కదల్లేకపోయింది. సింధు 20-14తో గేమ్ పాయింట్పై నిలిచిన ఈ దశలో మారిన్ మూడు గేమ్ పాయింట్లు గెలుచుకుని 17-20తో పుంజుకునే ప్రయత్నం చేసింది. అయితే సింధు దూకుడుగా ఆడుతూ తొలి గేమ్ని సొంతం చేసుకుంది.
రెండో గేమ్లో సింధు దూకుడు
ఇక రెండో గేమ్లో మాత్రం సింధు తన దూకుడుని ప్రదర్శించింది. ఆరంభంలోనే కరోలినా కాస్త పోరాడే ప్రయత్నం చేసింది. గాయం బాధిస్తున్నా వేగంగా ఆడిన మారిన్ 2-1, 3-1తో ఆధిక్యంలో నిలిచింది. ఈ క్రమంలో సింధు 3-3తో స్కోరు సమం చేసింది. తర్వాత భారత షట్లర్ 5-4, 6-4తో ముందంజ వేసింది. బాగా అలసిపోయిన కరోలిన్.. సింధు రిటర్న్లకు ధీటుగా బదులు ఇవ్వలేకపోయింది.
అనవసర తప్పిదాలు చేయని సింధు
ఇదే సమయంలో సింధు అనవసర తప్పిదాలు చేయడంతో మారిన్ వరుసగా మూడు పాయింట్లు గెలిచి 9-13తో పుంజుకునే ప్రయత్నం చేసింది. కానీ, పట్టువదలకుండా పోరాడిన సింధు 17-11తో ముందంజ వేసింది. అదే జోరుతో 20-12తో మ్యాచ్ పాయింట్పై నిలిచింది. చివర్లో మారిన్ కొట్టిన షాట్ నెట్లో పడడంతో మ్యాచ్ను సింధు కైవసం చేసుకుంది.
సెమీఫైనల్స్లో ప్రపంచ నంబర్వన్ తై జు యింగ్తో సింధు
మరోవైపు గ్రూప్-బి నుంచి సున్ యు మరో సెమీస్ బెర్త్ను దక్కించుకుంది. గ్రూప్ ‘ఎ' నుంచి సుంగ్ జీ హున్ (కొరియా), తై జు యింగ్ (చైనీస్ తైపీ) సెమీఫైనల్స్కు చేరుకున్నారు. శనివారం జరిగే సెమీఫైనల్స్లో ప్రపంచ నంబర్వన్ తై జు యింగ్తో సింధు, సుంగ్ జీ హున్తో సున్ యు తలపడతారు.