బిసిహెచ్లో సాఫ్ట్వేర్ ప్రారంభించిన బాలకృష్ణ(ఫొటో)
హైదరాబాద్: క్యాన్సర్ వ్యాధిగ్రస్తుల సమాచార సేకరణ, క్రోడీకరణ కోసం ఆంకో కలెక్ట్ అనే ప్రత్యేక సాఫ్ట్వేర్ను బసవతారకం ఇండో అమెరికన్ క్యాన్సర్ ఆస్పత్రిలో అందుబాటులోకి తెచ్చింది. శుక్రవారం బంజారాహిల్స్లోని బసవతారకం క్యాన్సర్ ఆస్పత్రిలో ఏర్పాటు చేసిన కార్యక్రమంలో ఈ సాఫ్ట్వేర్ను ఆస్పత్రి ఛైర్మన్ నందమూరి బాలకృష్ణ ఆవిష్కరించారు.
ఈ సందర్భంగా ఆయన మాట్లాడుతూ.. ఈ సాఫ్ట్వేర్తో దేశ వ్యాప్తంగా వచ్చే క్యాన్సర్ వ్యాధులకు సంబంధించిన సమగ్ర సమాచారాన్ని సేకరించి, వర్గీకరించడం జరుగుతుందని తెలిపారు. ఈ సాఫ్ట్వేర్ను అభివృద్ధి చేసిన డాక్టర్ రమేష్ నిమ్మగడ్డను ఈ సందర్భంగా బాలకృష్ణ అభినందించారు.
ఈ కార్యక్రమంలో ఆస్పత్రి సిఈఓ ఆర్పీ సింగ్, సిఓఓ సత్యనారాయణ, మెడికల్ డైరెక్టర్ డాక్టర్ టిఎస్ రావు, మెడికల్ సూపరింటెండెంట్ డాక్టర్ సిహెచ్ సత్యనారాయణ, మెడికల్ అంకాలజీ విభాగధిపతి డాక్టర్ సెంథిల్ రాజప్ప తదితరులు పాల్గొన్నారు.